點解?? 今朝o既情況就好似兩年前o個件事... 我以為自己放底既同時, 點解又要再o係我個傷口處深深地界一刀?? 唔係我想去諗..而係你講既野令我諗返起以前既你! 我同自己講過! 我唔可以俾人再o係我個傷口再界一刀!!

"跟本冇呢個人, 我專登唔delete俾你睇!"

"我同佢冇野, 我當佢小妹妹關心!" <--o岩o岩唔係話冇呢個人咩??

"要有野都唔係依家!"

"你唔係對我冇信心, 而係你對自己都冇信心!

夠喇!! 以上呢d我兩年前已經聽過晒!!! 兩年前都係因為睇你電話揭發... 今次都一樣! 兩年前信你...結果呢?? 結果點呀?? (2:30pm)

=========================================

你就係咁...有多時間就會咁, 次次都係咁...同你分開左幾日o者...原來已經... 我真係覺得你好愛我...因為你唔delete d sms俾我睇! 慶幸我睇左, 唔係最尾一個知! 諗返你星期五話掛住我...哈哈...係咪send錯左俾我? 如果唔係..我真係覺得你好假!

我睇你電話係我唔o岩! 你都好丫...我發脾氣, 你都仲可以講咁多野出黎! sorry...你講d野太out喇! 兩年前已經講過, 我聽過晒, 仲好入腦tim! 你一定話冇野架啦, 又係話我唔o岩! 係呀, 睇你電話唔o岩丫嘛! 你o個陣搵返佢話我冇努力幫你忘記佢, 係我唔o岩! 好啦...依家你有冇努力令我信你?? 唔好只係識得話我點唔信你! 你有冇好好做好自己?? 係...我就係咁諗野! 小小事都可以諗得好大! 係邊個令到我咁? 你冇辦法叫我相信你, 但你反過黎話唔信你係我唔o岩?? 真係覺得好好笑囉! o個陣我都話同大佬賢冇野啦, 佢係亞哥, 關心我o者, 你都覺得我同佢有野, 咁你唔信我係咪都係你唔o岩呢?? sorry...你冇覺得自己唔o岩! 仲話我唔o岩! 你實話冇得咁比丫嘛! 知啦~ 咪又係你講晒! 你關心小妹妹我發脾氣係我唔o岩! 但有大哥哥關心我係我唔o岩! 朝朝報天氣, 叫人如果訓唔著就打俾你, 又問人去到邊... 我呢? 未同你分開時連我返到屋企未你都唔理啦! 打俾你, 你咪又話眼訓要訓囉! 你話我點解會同你d朋友比! 係因為我覺得你緊朋友多過緊我! 做你女朋友, 連做你普通朋友都不如!!

sorry... 係我擾亂左你既生活! 你話架嘛...o係冇contact o個幾日你好enjoy...過得開心, 咁咪得囉! 唔洗再打黎問我有冇返到工, 你仲有多餘既心去關心我咩? 我返唔返工都唔關你事喇! 我成日覺得今次同你分開係性格不合! 原來都係因為有第三者! 你話我死性不改...你都係! 一次不忠, 百次不容! 何況我已經容左好多次! 我唔可以俾歷史再一次發生o係我身上! 唔可以...

男人! 冇一個可信! 講既甜言蜜語全部係廢話!! 全部都係大話!!

朝早7點你走左, 返屋企換鞋返工! 而我就繼續訓, 訓到12點幾!

3點鐘先落街買野食...買左麥記! 仲去百佳買左朱古力, 百力枝, 薯片, 罐裝湯, 叮叮點心... 買定夜晚同聽日食丫嘛!

今晚你放工去同事個女既生日會, 之後可能去martin度~ 11點幾send左個sms問你o係邊, 12點打過一次俾你, 冇人聽...之後訓左! 差唔多一點扎醒左, 又打俾你, 仍然冇人聽! 好唔開心... 即係點呢?? 又係冇改?? 是否再要繼續觀察?? 好想send sms鬧你...打到一半...都係唔send! 如果你係要覆既話, 見到sms & miss call, 你會打返俾我, 要係唔理我既, 打幾多個電話, send幾多個sms都冇用!

oh...過左一陣...你打黎話去到martin度, 話個電話short short地...算你啦~ 仲識打黎!

由星期三亞姐放假開始就日日搭的士... 好多野做, 又要開會...冇左好多時間!

今日又要開會... 好煩... d野都未做晒! 又要等件辦到! 間廠仲問我聽日返唔返, 我彩佢都傻! 叫佢搭的士拎件辦過黎, 要佢6點9前到! 7點鐘終於到喇!! 同間廠對野, 先發覺佢因為內部溝通冇左好多資料!! 想死呀!! 好彩捉左佢上黎, 如果唔係走唔到貨死梗... 好彩我手上仲有期... 8點鐘寄完辦...又坐埋位做野!

差唔多8點... 你send左個sms過黎... 回了你一個sms! 做到10點半差唔多走...打俾你...oh...你訓緊覺, 講左一陣收左線! 跟住我就走啦...去搭的士, 你打黎...你話過黎車埋你, 同我返屋企! 傻瓜...著拖鞋!! 咁即係點呢?? 走or唔走?? 返到屋企, 整返熱d餸同你一齊食...好似好耐冇同你同台食飯! 食食吓你問我琴日點解冇寫日記...咁樣一問...原來你都好留意我個日記! 知你會睇, 不過以為你好耐先睇一次... 你仲問我點解有一日set左password, 仲話撞左好多password都唔o岩! 你呀...咪就係xxxxxxxx囉!! 你估左兩次就o岩...但之前咁蠢撞唔到架!!

其實唔係好耐冇見...上星期四見完, 今日見...隔左7日o者~邊有十幾日呀! 但...感覺上真係好耐!

今朝搭左架壞車呀!!! 仲要中途要轉車, 麻鬼煩! 9點半先返到公司!

10點就開始開大會, 開到食lunch, 成朝冇做過野! 搞到今晚9晚又9點先走!

聽日frankie last day, 今日請佢食lunch...

billy...呢個人好煩...諗住佢咁耐冇打黎, 又講到自己咁慘, 咪同佢講幾句囉...點知...搞到我同DD吵左幾句! 我以為都唔會聽佢電話!!

==========================

9點幾, 你考完試打黎... 你話唔識...有好多points冇寫, 唔緊要啦... 電話中都係圍繞你個考試!

過多一陣你又打黎, 但原來係為左billy!! 你同我都知佢有問題, 我以後唔會聽佢電話架喇, 你都唔好聽啦... 咁鬼煩!!