今日悶左成日喇~ 琴晚專登夜d訓, 今日晏d起身~ 12點幾先醒...全日都冇出過去! 6點你放工打俾你, 你話未知今晚去邊, 咁我點呢?? 過左一陣...話今晚8點去觀塘打波喎, 打完波10點去食飯, 之後可能去唱K...會好夜...又唔想我等喎! 但有冇諗過好多野都可以安排得好d?? 唔好次次話出去就出去啦!! 你曾經話過我去左同朋友食飯唔陪你...你有時間既時候要我陪...咁我有時間o個陣呢?? 以後係咪要有地方去先可以約你?? 想見你都要落booking?? 好丫...以後你唔預早約我, 咁我就約人出去... 又或者...如果你唔係有地方想同我去, 咁我就可以有自己節目, 可以唔陪你啦... 我亦都可以臨時話有人約之後走左去唔理你... be fair~

 打俾stanley... 諗住睇下佢今晚有咩搞...想睇戲, 但冇戲睇, 咁我就話打俾jam一齊搞野玩...oh...8點jam打黎冇人喎~ 只好下次再約啦... stanley...約左個幾星期都仲未約到~

 好...今晚過狗哥屋企玩"飛行棋"... 勁呀...一鋪飛行棋我win左百幾蚊, 最渣係亞4啦!! 你兩個睇波...49x傾電話玩兔, 狗哥又未返... 我點幾鐘就返左屋企喇~

====================================================

依家就黎點半喇...究竟你係咪去左唱k?? 我唔知.... 一個電話都冇打黎... 再一次冇交帶!! 你知我對你既信任唔夠, 點解你唔做好d, 俾多d信心我呢?? 我唔想下下打俾你check住你o係邊, 做緊咩... 咁樣真係冇意思! 上次因為你冇交帶我提過一次分手...你話你會改... 機會係有俾你... 但...你都冇改善! 如果我再一次講分手... 我諗你都唔會再有咩辯駁架啦??!! 反正你成日話唔夠時間用... 有我只係阻住你既o者~ 要吐出來了...還你自由, 也還我自由!

你話聽朝返教會丫嘛...又話講左就要做... 唔好俾我睇死你一定起唔到身!!

今晚同DD返我屋企食飯, 咁下晝打俾媽咪話DD黎食飯啦, 不過好晏先走, 8點幾呀, 搞到DD o係沙田等左我成兩個鐘...sorry~ 入到屋, 媽咪問我地搞咩...咪話食飯囉, 點知...佢話聽到我話唔返黎食, 冇煮飯!! 唉...最後同DD落樓下餐廳食!

===================================

BOBO...要有決心去行第一步先得架, 明天三人會議詳談~

===================================

今日有條數唔識計, 就係... 155gm/yd = ??gm/m2

好耐冇用腦計數...個腦實左哦... o係我無助之際, ivan send左個email黎, 所以就捉住佢黎問! hehee...唔該ivan幫我搵左個答案出黎!

臨放工DD打黎問我放工去邊喎, 本來諗住返屋企食飯,不過最後都係去左佢屋企食。食完9點未夠,DD同我返屋企,o係途中講左d野...ummmm....信架...信你去打波係想見佢架, 星期一見完佢, 今日就話好耐冇見, 好似唔見一日如隔三秋咁! 我表面笑笑口o者, 你覺得我唔在乎嗎?? 只是對自己講...你就係咁架啦, 你性格係咁, 我自問真係改變唔到你, 或者我o係你心中地位仍未去到可以改變你既位置! 你可能唔覺啦, 你成日開口moon, 埋口又係moon... 但如果我又係成日提住另一個男仔, 你又會點呢?? 都係覺得因為你有女朋友, 如果唔係... 你知我想講咩啦!

今晚你成晚都係咁話眼訓...都話架啦, 唔好同我講唔夠時間用, 唔夠訓啦! 你諗下你之前一晚做過d咩, 幾點訓! 去睇人打波, 食飯11點幾返屋企就得, 同我返屋企9點都話晏! 你估我又會點諗呢? 又一次想...同你做朋友...感覺好似好d喎~

嘩...收音機天文報告話依家14度, 今晚會降至11度, 寒冷警告生效喎~

尋晚7點唱, 唱到12點...呀...唱到把聲都沙沙地, 足足5個鐘, 唔停係咁唱, 勁呀!! 好out呀, d新歌唔知只唔識唱, 係直頭未聽過! 之後點歌都係舊野...正所謂"懷舊金曲夜"! 雷友輝真係幾掂喎~

=========================================

唉...今日界親手指呀, 係右手中指! 釘書機冇釘咪入lor, 咁就界親喇! 開頭見到手指頭界開左半cm咁上下啦...冇血架喎~ 過左幾秒...死喇...d血"啤啤"聲!! 用水濕下佢, 抺走d血, d血又標返出黎! 冇計...要貼膠布!

=========================================

今晚9點先走...搭的士! 返到黎一如以往開房燈, 開返sleep左既notebook! 過左一陣...oh...跳電制!! 搞左一輪, 又叫左管理處d人上黎開返出面個大制! 我房有個燈膽燒左, 跟住開返d制啦, 又到廚房燈! 妖...o個個自命咩都識既亞哥...一如以往, 都係賴我lor...話我部notebook漏電喎~ 問過管理處負責電o個個亞叔, 燈同插穌既大制都唔同, 就算插穌有事都唔會搞到燈膽燒啦!! 低能!!

=========================================

之前幾個月實在冇咩做...覺搞到我習慣性咁做咩慢左! 依家其實都唔係多野做, 但硬係做得好慢~

=========================================

算啦...鐘意點就點啦~ 明白到好多野想阻都阻唔住...只求不要讓我知道!

同三小姐一齊跟媽媽生去旺角出鐘...唔好阻住晒~