星期一至五, 我都唔驚自己有事... 但星期亦同日...好難捱~

同你下晝icq, 係話會同媽咪食飯, 咁我又話去啦...不過後尾大家都冇去, 你話會o係公司溫晝溫到8點, 之後可能同同事去飲野... 屋企得我自己一個, 天氣又凍...好似好慘咁~

下晝食左一個柸麵, 夜晚本來諗住唔食, 因為個肚同胃唔係幾舒服, 到左8點幾, 都係叫左外賣, 食左少少...

夜晚打俾你, 打左好多次都冇人聽, 都係訓唔著, 12點幾去到你屋企, 未返, 打電話都係唔聽... 兩點, 你終於返喇, 原來小組除消, 你同同事去左唱K, 因為billy煩住, 所以熄左電話聲同震.

終於講左...大家做返朋友...

唔捨得...俾時間大家吧~

真係忍夠喇! 放過我啦...好簡單, 我要既係尊重, 好難做到咩?

9點半話我知打完波, 一路同你sms到10點幾...到11點半打俾你, 你好似唔多願意講我知你o係邊。問多幾問先話o係martin度, 一時又話以為我食左藥訓左, 一時又話食多幾啖飯先打, 邊句先真?? 我話你唔交帶, 你仲發返我脾氣!! 又話臨時先決定去martin度, 你仲話係同我sms時決定, 但點解同你sms時唔話我知, 你由大埔去深井途中都冇時間話我知?? 點講都唔通啦!! 好失望...如果唔係我打俾你, 我可能以為你返左屋企... 究竟有幾多次你出左去我係唔知呢?? 去澳門...亦有可能丫!

今日下晝又係send個msg過黎問我係咪仲嬲...又係咁! 你識send過黎即係你知道自己唔o岩, 如果唔係你唔會send! 我冇覆你msg, 因為冇諗過再聽你電話! 1點幾你o係屋企打黎, 我由得個電話響... 我知你依家已經訓左, 我亦冇諗過打俾你!

夠喇... 咩都夠喇! 鍾意一個人, 冇錯丫...係可以包容對方好多唔好既野! 但...我講過我唔容許自己男朋友冇交帶, 你亦應承我你會改, 係你要求我俾機會你, 我有呀...我俾左機會你, 係你冇好好把握! 你想我俾幾多次機會你?? 我唔可能冇止境咁俾機會你! sorry...我做唔到! 我只係想你話我知你去左邊, 去之前通知下我o者!

我諗係時候俾大家空間去想一想對方係咪自己想搵既人...

愛情係一生一世, 要搵一段適合大家既愛情, 這才恆久!