Bobo (媽媽生) : 預科同學, 仲記得佢第一句同我講既野就係..."呢度點填呀?" 佢o個陣個頭度有兩個"計", 成個春麗咁囉!! 初時返學同佢唔係好熟, 佢姓范, 成日叫自己做"范賤"!! 連參選學生會都叫..."請支持2號范賤!!" 搞笑!! 冇記錯同佢熟都係中七既事~ 我班有4個女仔, "小寶", "bobo", "carrie", & me, 俾人叫做"4魔女"!! 因為o個陣有套日劇叫"魔女之誘惑"!! 到出左黎做野, 大家都仲有聯絡, 佢大部份男朋友都見過~ <--好似講到你有好多tim...hahaaa... 前年我同佢鬧過一次大交! 冇聯絡兩個月...我都唔係好記得邊個搵返邊個, 只係記得大家講既第一句說話就係..."我好掛住你呀!!"
carrie (三小姐) : 都係預科同學! 預科第一個識既同學仔, 入camp之前o係hall度識既... 佢o個時俾我既感覺..."嘩...個樣咁兇既!!" 入到camp第一日, 我地兩個仲坐o你走廊傾心事tim..hahahaa... 之後成個預科我就同佢孖公仔咁喇! 佢讀書好叻, 成日話冇溫書, 但唔知點解都幾高分架喎! 出左黎做野之後, 佢繼續讀degree...曾經都有諗過同佢思想唔夾, 因為佢讀書, 我做野, 大家冇咩話題~ 但到佢出黎做野之後...加上大家o係某方面係極度相似, 所以到依家, 我同佢唔洗多講, 大家都知大家想點~ 一句"點都好, 我一定支持!"已經夠晒! 你同我都係同一類人, 有時見你做d蠢事, 但諗返...我同你咪又係一樣...
四哥 : o係2003年近年尾識既, 佢係我亞哥d朋友, o係我極度唔開心既時間陪住我! 記得第一次見佢係因為亞哥要還返架車俾佢, 但亞哥有事要走先, 咁佢就車我返屋企! 一上車, 我話不如我揸, 但我問左佢一個問題..."點樣退後架??" 就咁佢就叫我坐返隔離 >.< 我記得你講過同我一齊好開心, 可能因為我夠低能, 你身邊都冇呢d人, 咁你咪開心囉! 每次有事, 我都會搵佢, 夜麻麻飲完酒打俾佢求救, 佢都肯理我! 我知呢d係佢性格, 就算係第二個佢都會咁做! 你成日話我"有事鍾無艷"...唔好咁話我啦, 我都有關心你架! 我唔敢講我好了解你, 但你絕對了解我! 你係又了解我, 又會鬧我既人! 好多時聽你講完野, 我都會再諗返, 但做唔做到就另一回事啦~ hahaa.. 不過有一樣野好想知, 但我又知你唔會話我知架喎~ 唔講啦...你知我想知咩既...
jam jam : 中五時識既, o個陣佢中七好似, 不過唔同學校...佢o個陣好瘦架, 依家肥左好多好多! 每次同jam傾偈都好開心, 因為大家都係低能! 佢認識我都幾深, 我好多野佢都知, 基本上同佢都冇祕密既...不過...你大個喇, 要對自己負責, 俾心機做野啦...知你今個星期返新工! 加油呀!!
小南子 : 佢係我以前做garment fty既同事, 佢叫我 "太后" or "didi"! 我幫另一個女仔追佢, 佢地兩個仲一齊, 幾好! 佢好鍚我...o個陣成日照顧我, 買早餐俾我...前年同佢叫我去佢公司做, 不過時間好短, 兩個月度啦, 之後我就去左polo! 佢好勤力架! 做野有交帶, 連dkny都俾佢搞得掂! 琴日同佢email, 佢話好擔心我, 會養我喎!! 嘩...o個刻好感動~ 但...都係逃避同佢講o個個人...
brian : 以前garment fty個客, 做polo sm, 係佢帶我入polo! 佢教左我好多野, 包括做野同對人! 佢可以話係我貴人! 係因為佢覺得我得, 所以先有信心去polo, 話晒polo係一間大行丫嘛! 佢依家變得勤力, 初初入到polo, 佢一個星期一定請一日假, 冇9:30都未返! 依家居然8點幾就返工, 一個月先請一日病假...好犀利架喇!
ivan基 : 我係97年1月1日識佢既...之前o係我既日記都介紹過佢! 佢依家比起我以前初初識佢時改變左好多, 對事對人都有d改變, 特別係感情方面! 估唔到佢係會玩女仔, 會報復既人!
楊明 : 識左唔係好耐, 8, 9個月, 佢係我公司既suppiler, ummm...硬係覺得同佢有好多野唔夾, 包括思想... 不過知道你係一個好勤力, 好有目標既人! 亦都知道你一定可以搵到你想要既野!
luen : 呢個唔知仲算唔算係我朋友...但我知我有咩事搵佢, 佢都一定會理我, 多謝佢上兩個星期某一晚陪我講電話由兩點幾講到5點...亦都知道一d我一路都唔知既野~ 但...真係囉...唔好俾自己活在過去! 你鍾意o個個係以前既我! 絕對唔係依家既我! 希望你清楚...
stanley & raymond : 之前讀part time marketing時d同學, 佢地係兩兄弟, 細佬raymond做sales, 月入3萬, 勁! 不過個人好假! 大佬stanley, 係一個IT人, 佢比較隨和, 同埋...個人有d無聊...可能我唔係太熟悉佢啦!
=============================
本來今晚去食自助餐, 不過改期, 改到星期六夜晚!
lunch行過7-11, 入去買奇趣柸, 因為有kitty車車...但得雲呢拿味...ummm...唔好咪既...不過d車車真係好靚架! |
