好唔開心!!

今日MANAGER同我傾左, 佢其實想知我意願想唔想過mexx, 佢講到公司冇knit既空缺, woven又要restructure, 可能都唔會有, 最壞打算會郁我囉!! 有冇搞錯!! 你係我manager黎架!! 咁同我講野?? 仲有...transfer我過去mexx係公司HR既意思, mexx都唔知! o係咩都唔知既情況下, 佢地都有right唔要我架喎! 咁點呀?? 如果mexx唔要我, 又唔知公司調我做咩~ 又話會郁我! 唉....點搞呀?? 要搵工喇! 出黎做野咁耐, 都未試過咁灰, 從來只有我揀工, 唔會工揀我!! 第一次對自己前途咁迷茫!! 幾時先會明朗?? 幾時會過mexx interview呢??

===================

今晚聽晒呢個人既野...其實我係女仔, 都明佢點諗既, 某程度上同佢有dd相似~ 加上佢又咁要面! 係你自己o個陣俾佢迷到溫溫鄧鄧先人講咩就信o者~ 同埋有好多野唔可以話係佢錯, 你自己都要負好大責任!!! 唔可以成日話佢賤~ 係...佢係講到自己好好...試問有邊個可以好坦白話俾一個識左唔耐既人講自己d衰野丫?? 佢講到自己好好, 只不過想你繼續對佢好o者~ 佢單身, 又曾經講過同你只係好朋友, 你都話對佢係朋友既關心, 咁你自己又要中個頭埋去, 怨得邊個?? 唔好成日話我幫佢講好說話, 因為由此至終我都覺得成件事係你自己搞出黎!!

今朝10點幾度緊辦, 亞姐行過黎問我有冇時間, 佢想同我傾D野~

過左半個鐘, 我搞埋手上d野就同佢入房傾...

佢問我如果調我過mexx荃灣office好唔好...佢又話woven已經坐齊人, 我地呢邊outlet, studio又冇咩單, 問過HR會唔會有其他division要人, HR又話暫時冇~ 佢咁講, 講真...即係我唔走都唔得啦~

====================

三小姐...琴日o個篇野冇咩特別意思架, 只係睇到newsgroup有人咁講...講起d野o者~

嘩...三小姐, o個條友都好鬼煩喎!! 算吧啦...由得佢啦, 過多一排佢就唔打架喇, 又或者...你真係唔好覆佢電話啦!! 其實佢係咪真係咁差?? 連做朋友都唔得?? 如果得既, 咪搵佢"zip"下時間囉...hahhaaa....

頭先man打黎問我抽齊d kitty未, 之後同佢傾左一陣, 佢都搞笑喇! 佢條team齊人既有連埋佢有4個, 其中一個係polo舊同事, 但到5月, 成條team得返佢一個... vicky都大整"古"...叫man過去做但自己又走! 玩咩~

==============================

頭先睇newsgroup, 有個女仔講佢自己...

***我同ex分開左兩年幾先o係番埋一齊，當初係我對佢唔係咁好，成日發脾氣，所以佢識左第二個而分手。o係番埋一齊，我地都plan左出年結婚，但我成日都好驚佢會再搵番之前果個，所以我成日都會check佢電話............點知，前幾日，我睇佢D message既時候，見到有個大陸既女仔send message比佢，我問佢，佢話貪玩..........一齊左兩個幾月(其實呢兩個幾月我都覺得有野唔妥，係搵唔到Ｄ證據）我問佢而家點，佢話會同個女仔講，但我叫佢而家o係我面前講，佢死都唔肯，咁我就幫佢打左個分手既message叫佢send比個女仔........最後我收左佢張回鄉証。

好嬲，好唔忿氣，如果我發現唔到，佢想呃到我幾時呀？當初因為我唔好而有第二個，我無野好講，但而家我問心對佢係好好囉，但點解要咁對我呀。有時諗起會好嘔心，同我一齊既時候又同個大陸女仔一齊，用同一個咀錫我，一同隻手拖我，我同一個部位同我ml..............其實我知自己原諒唔到佢，但又明知自己仲係愛佢，但我又驚會再有咁既事發生，我可以點做呀？***

以下o係板友回應...

A : 妳今日就算搶到佢番黎, 幾年之後妳一樣係衰俾一個19歲既靚妹. 一個男人唔尊一, 只會傷害女人,害佢一世. 妳都係搵一個想成家立室, 落葉歸根既男人好喇.

B : 沒錯，如果係想結婚的，找一個會知妳的好，而且佢都對你好的好人吧．玩火的人，唔需要等．可能你做佢的情人好開心．做佢的老婆呢？難度想日日擔心佢會唔又做錯事？想一下．唔好太快做決定，唔好心急，要好好諗妳最想要係什麼．
ｐｓ．最好唔好諗佢結左婚會改,人只會為自己而改，為其他人而改的，只係暫時性的，終有一日又會做回之前的惡習．只有佢想改先會改．除非妳有心理準備，無限期等佢喇，否則，唔好想等佢結婚後就會改．wish
u luck

C : 呢個男人一而再再而三咁係出面有女人你都重未死心,你都幾好野

D : 雖則唔應該教人分手, 但我覺得妳今日做到出晒面留住佢, 佢叻既就留妳響身邊自己出去玩,當妳係避風塘, 唔係既就一腳踢妳走. 我覺得依個男人響度玩火, 如果妳係要安定既,同佢一齊, 結左婚都會有問題, 妳最好就評估一下妳想要既係咪佢依種人, 未結婚又俾妳睇到,係一件好事.而且, 有d人年紀唔細會有年晚煎堆心態, 搵男人/女人結婚, 不過有d人係唔簡得架...

## 點解會有咁多呢d賤人??? 好玩咩?? 避風塘...冇人會樂意做架!! 唔專一既男人...我一定唔要!! 唔可以俾自己再蠢!

近排好悠閒, 返工冇野做~ 日日等放工, 好鬼悶呀!!

貨櫃車司機...我係唔會答你個問題既, 就好似你唔答我想知既問題一樣!! 我都覺得好鬼醒, 識得咁樣回應你~ 不過都係o係你度學返黎o者...呵呵呵~~ 你就係咁架喇...成日都係為人, 你為下自己啦!! 佢地分明唔理你係咪走, 完全冇做過佢地應做既野!! 快閃啦...為下你自己, 為下你身邊既人著想啦! 我諗你屋企個靚女都擔心你!!

今日6點9走, 去左旺角和記3 trade部T630, 之後去左CTMA買KITTY, 買左一個, 仲差一個, 要搵下先得喇~

=====================

April 16,2005 Sat

多謝man星期六同我行CTMA扭蛋...好勁!! 佢抽中左我最想要o個隻kitty, 超靚呀!! 勁開心!! o個日同佢3點半o係旺角匯合, 同佢食完野就去左CTMA, 居然行左成個幾鍾! 之後o係trendy zone撞到brian同佢老婆... 7點幾就同man散, 佢去同女朋友dinner, 我就匯合其他人, 夜晚3個人去左食buffet~ 食左好多三文魚~

April 17, 2005 Sun

訓到好晏先起身, 之後去食野, 跟住又訓過...hhaaa... 去左和記3轉台, 4/20生效喇~ 夜晚去左大角咀dinner...