已經cfm左由winter'05開始, sweater + c&s會由MFE接手...咁我都唔知會跟咩喇! 見woven同事好忙, 想轉過去做woven, 咩都試下丫嘛~ 俾人起左個花名..."超級[鄧]腳精"! 因為邊個有野幫手就幫邊個...

今日una打黎, 話club monaco叫brian過去做sm, 講真...sm佢就唔會做架喇, 聽講佢有機會做mm, 如果佢過club monaco做mm, 唔好講笑, 我一定咩都唔諗過去做sm!! 諗起都開心...

==========================

避難所...唔係咩?? 你就講得好聽... 淨係做你既避難所~ 嘩...咁真係好慘喎!

其實係唔開心架...每次都係咁...好啦...玩玩喇...就返黎搵我~ 我都覺得自己變左做避難所! 冇mood呀! 唔寫喇!

一早check email, 收到d唔關我事既野, 係幫woven同事source 珠片, o個兩個woven同事冇返, 咁manager就叫我幫手搵喇! 睇返個email係講woven同事同個客講珠片冇貨, order要100lbs min, 又要等20日, 做辦等唔到喎~ 但又唔俾d available既野人地choose, 萬一又choose左d冇stk available既, 又點算呢?? 俾人鬧到飛起啦!! 一係就check其他suppiler睇下有冇先同客講丫嘛...

我sourcing其實唔係好強, 咁就走左上左woven trim dept問人啦, 嘩...幾串呀! 佢話..."冇架喇, 你搵呢間冇, 其他就一定冇! 唔洗搵喇!!" 咁我死都叫佢是旦俾個supplier我check啦, 佢好求其就叫我搵"星光"!

妖....冇Q用!! 之後我就用自己方法搵supplier, 我問左之前幫我做過lace既supplier, 博下佢地有做珠片... 哈哈...勁呀! 問親間間都有喎! 咁我嘭嘭聲叫佢send本catelog睇睇... ok丫, 好像喎! 咁我就直接打俾間廠問佢自己有冇sourcing, 佢居然同我講連個珠片咩樣, 咩color都唔知! 有冇搞錯!!! 我又跟手問佢係咪自己廠釘珠片, 佢話唔係喎, 都係發出去釘! 之後我就同佢講我搵o個間suppiler可以幫人釘埋, 佢好似好開心我幫佢搵到sourcing釘珠片! 真係唔知o個兩個woven同事係點跟單囉...

=========================

本來諗住今晚可以好早走, 點知都要8點9, 之後同polo舊同事打邊爐, 計埋我有6個人, 我係最幸福o個個, o係polo走左之後我最順利! 呵呵.... 傾偈傾到成12點就走喇!

=========================

求你別說　仍能如　良朋地對我
而我問我　為何還　能對得起我

April 03,05 Sunday

夜晚11點半收到佢email, 話同左個女仔一齊, 仲話佢選擇同第二個一齊係對我同佢之間最好既決定... 之前講咩同個女仔係好朋友, 咩人地唔會鍾意佢呀, 咩仲愛我叫我唔好放棄...其實都一早預左架啦... 拖住晒做咩丫?! 佢唔認係因為第三者, 但... 星期六話想同我一齊, 仲好愛我, 第二日就話同左第二個一齊! 哈哈...幾好丫!

=============================

April 04, 05 Monday

成日都渾渾噩噩, 好唔開心, 食lunch俾d同事笑...話我傻左...我成日唔出聲, 佢地話好驚喎! lunch打左俾4哥, 我要佢陪我, 其實我知佢好忙...好多野做, 但我唔開心, 真係想佢陪我, 我知佢一定會tum我開心! 4哥...你曾經講過架! 你話無論邊個激親我, 你都一定會tum我開心! 無論我o係邊, 你都會take care我! 呵呵呵...講過要算數! 咁你就應承我如果亞榮返黎, 夜晚就陪我! 4點幾5點, 4哥打黎問我想去邊喎~ 好野....

我地去左旺角, 泊低架車就諗食咩... 最後去左廟街食煲仔飯, 超棘魚蛋, 豪餅, 正!!! 之後我地........ 哈哈...應承左4哥唔o係度講既! 總之...你話架嘛...洗幾多$$唔係問題, tum到我開心咪得囉...係你講架嘛!! 哈哈... (不過...成千幾蚊....呢個開心真係好貴...)

o係廟街都玩左好耐...都有兩個幾鐘! 跟住就去左西貢食糖水! 嘩....好味呀! 之後返到屋企12點到啦~ 同媽咪傾左一陣偈就訓喇! 好好訓喎...

=============================

April 05, 05 Tuesday

清明節放假!

仲諗住我係三個中最早起身o個個tim, 點知都成11點幾先起身! 兩點幾去到銅鑼灣, 食完野就行街喇! 食野中途同馬仔sms, 佢話day off, 叫我去飲野, 咁就約左10點o係太子喇! 

行左好耐呀! 行到7點幾! 我地三個都有買野, 我買左條短褲... 差唔多7點啦, bobo話好累, 想返屋企, 但我又約左馬仔10點... 咁carrie同bobo就走左, 我就去左ivan新居喇!

嘩....ivan間房好大呀!! 120尺!! 個廳好搞笑, 有兩張sofa... 哈哈! 教練養魚又養狗, 仲要兩隻...真有愛心! 間屋硬係爭好多野咁... 最主要係爭個電視... 你地o個兩個電視佢實在太細喇! 好記得ivan房門個木名牌!! 洗唔洗呀!!! 好似掛o係房門唔係咁好喎...以前u hall就話有好多個名牌, 但依家得你一個牌...

o係新居坐左一陣跟住同佢地去食飯, 又係o個間, 第二次去喇! 有ivan, 教練kenneth, 亞聰 & me! kenneth好多野講, 好搞笑! 佢好勁呀...亞洲第一呀!!! 講講下教練4-5年前係香港游泳隊代表... 即刻諗... 咁佢咪識肥昭囉! 真係識喎佢地! 呢個世界真係細! ivan識我何傳耀d師兄, ivan教練識我預科d師兄! 三小姐...有機會要叫ivan介紹教練你識, 你要識多d呢d多野講既男仔呀!

食完好早...9點多d, 就同ivan去左sogo行左一陣, 之後就搭mtr, 佢返屋企, 我去太子! 10點3去到太子, 坐低左, 都等左馬仔半個鐘! 佢一黎到就勁say sorry.. 冇所謂喎~

同佢都應該有5-6年冇見... 知佢做警察, o係旺角都撞過佢兩次! 佢大隻左好多...個樣惡左好多! 其實以前同佢唔熟, 都冇出過黎見過... 淨係過時過節send下sms...

佢諗野好成熟, 佢好清楚自己要行既路, 已經知道條路要點行先係最快... 佢講得好o岩, 做警察見既野真係好多! 同埋...感覺到佢做人好圓滑! 可能佢做差人, 成日要同d犯玩心理, 又要同d同事搞關係, 佢d眼神... 唔識講! 其實佢以前讀書時d眼神都幾掂架喇! 依家仲掂!! 不過...佢...都係唔識講!

坐左兩個鐘多d差唔多12點半就走喇...一人都係飲左一支...真係至在傾偈! 跟住佢送我搭車, 我叫佢唔洗同我返去, 佢就叫我返到屋企一定要話佢知! 1點返到去, 佢都返到... 好快哦...

返到屋企搞下呢搞下路on下line...兩點半就訓喇!

============================

April 06,05 Monday

今日...心情都冇咩野...ok喎! 7點幾走, 8點多d返到黎, 不過o係樓下同4哥講左一陣電話, 差唔多8點9先上樓~

你就開心啦...去旅行! 你呀! 你話架! 睇住佢...唔好俾佢亂黎呀! 我唔放過你架!!!! 佢夜晚上你張床, 你去返佢張床呀!! 唔好同佢飲酒俾機會佢呀!

知喇....講過好多次喇...我係vip丫嘛~ 通行都知你最錫我架啦~ hehee...

呢幾日諗...冇拖拍都幾好丫... 近來覺得多左朋友...同邊個去街都唔洗向別人交待, 感覺都ok架喎原來! 唔諗拍拖住喇...識多d朋友開心d... 聽晚同後晚已經有約...約左舊同事dinner...