今日同個mill鬧交...好勁...仲好大力cup佢線! 之後denise話我好叻, 對jobic要係咁~ 仲話如果我同high style fashion夾, 一定日日開火!

話說間mill上布卡成份係96% viscose 4% elastane, 但motherline成份出94% viscose 6% elastane, d label又返晒, 係因為布卡寫錯成份, 我又用左佢錯既成份俾廠訂野, 咁其實係mill既問題喎, 但jobic講到唔關佢事, 因為布卡唔係佢寫喎~ 大佬呀, 我理得你亞水寫...總之就係你公司俾啦! 我仲要佢食label liability! 開頭都冇咩, 同我夾開既廠都知我點做野, 我唔會同佢地嘈... 但呢個jobic真係好過份! 我勁話唔滿意佢d態度, 佢問我想點, 我咪話唔想講同佢講野, 係咁, bye bye! 好大力cup電話!

過左一陣, 批布色..頂...太鮮色, 點批o者, 咪reject囉~ 佢話我玩佢, 又死o累, 話呢個係viscose, 返搞d qlty唔掂, 又話個色唔差好遠, 頂丫! 批色我話事, 咁多野講! 仲叫我俾個客批, 我同佢講個客唔會批, 佢地批左lab dip之後就唔會再睇色, 批大貨係我負責! 死佬, 不停話viscose係會shiny, 但我依家係要個色dull丫嘛, 同我講shiny做咩o者~ 我夠知燒左毛會shiny啦, 但一定唔會燒完之後會鮮色左囉! 咪當我白痴啦! 佢話唔得返搞丫嘛, 咪重新用柸布染囉, 我理你o者~ 但又兇我喎...又話布期meet唔到~ 講真我理你用咩方法, 總之我要qlty同color都要ok, 是旦一樣唔ok都唔俾走, 就係咁簡單! 到講我唔掂同molly講, 又叫molly俾客批, 我問佢如果個客唔批咁點? 佢居然話到時先算!!! 之後佢走左同molly傾返, molly話會同廠夾做場佢戲! 哈哈...講真, 如果貨期趕唔切, 我會批囉, 但鬼叫佢態度唔好, 玩下先啦! 最慶佢話lab dip未做finishing, 貨布有做finishing會好難追, 咪串佢囉, 色追唔返lab dip, 打dip做咩, 就好似佢話個色ok可以落貨, 咁又點? 我話唔得就唔得, 咁你不如唔洗拎上黎批啦, 自己走貨咪算囉!

====================

病左?? 咁早d訓啦, 如果辛苦既, 明天sick leave訓返一日啦!

====================

小強明天入院左...要悶幾日喇~

====================

距離又遠左喇~

早晨~

新的一天, 新的開始...真的可以忘記昨天的煩惱嗎?

唉...我知係我唔好~ 搞到唔清唔楚! 3年半...發生左好多野, 媽咪又鬧又tum叫我唔好同返佢一齊, 但...好似前世欠左佢咁...

====================

sorry...我知你對我好好, 你會用一切辦法令我開心, 你係一個好人...

====================

琴日媽咪同我講, luen上個月我媽咪生日佢黎左沙田同我亞媽飲茶, 仲送左條手鏈俾我媽咪! 3年半...同佢分開左3年半, 佢居然仲記得我媽咪生日, 勁!! 連我都要偷睇媽咪身份證先記得邊日係正日...兩年前佢有話想同返我一齊, 但...冇左感覺, 點一齊? 我問媽咪有冇同佢講我d野, 佢話冇, luen仲話唔想關心人, 關心人好辛苦~

====================

三小姐...冇諗過你做account都可以晚晚11,2點...搞錯! 我真係驚你身體頂唔住! 好耐冇見你...

====================

Jeff....生日快樂!!

知你整親腳要做大手術, 冇事既...$$解決到既就唔係問題啦! 休息多d啦...

琴日朝10點幾同大陸辦房講緊電話, 手提電話係咁震...冇理...又震...聽左~

女人(講唔正廣東話): 你係咪xxx呀? <--撻我全朶!!

heidi: 係呀...咩事呀?

女人: (講左一堆野, 聽唔到佢\講咩~)

heidi: 咩呀? 你講咩話?

女人: 出黎門口收花呀!

heidi: 咩話??? 收花?? 哦...

denise: 哈哈...你個樣好突然喎~ 咩日子呀? 收花都唔知架咩??

出到去, 有一扎紅色玫瑰花~ 是我的! 上面有一張hello kitty卡, 係咪間間花店既kitty卡都係呢張呢? 定係d人鍾意去o個間訂花呢? 因為佢\係花虛第一間花店就腳? 睇下張卡, 係ck...話補祝生日~ 因為我公司大, 就算唔知地址, 都可以上網摷...你同佢\都係~

我都係第一次收紅色玫瑰花, 仲係19支~ 搞笑...問bobo19支點解, 佢\話係粗口喎! hahaaa... 琴日落雨, 攞住庶, 難道要我拎住扎花一個人搭巴士嗎? 最尾係...等ck游完水, 返屋企攞車~ 但...拎住把庶, 攬住扎花, 點坐電單車呀?? 咁呢...就用個書包, 咩o係背隻喇~ 好核突呀!!! 梗係覺得俾人望住晒囉 >.<

呢幾日發生好多事~

公主既願望好簡單架咋...有個鍚自己, 唔呃自己既皇子o係身邊, 陪住自己就已經好開心~

好想諗返以前既野咩? 唔係架...唔想架! 不過鬼叫自己記仇...人地唔好既野就記到實一實~

=========================

琴晚你發癲o個陣真係好驚...未見過你咁樣...好驚...咁就冇左兩部電話! 你可以話咩都唔要, 俾晒password我換返同我一齊既機會...有用咩?你跟本唔係一個俾人管到既人, 係俾左我, 到我成日問o個陣你又嫌我煩, 跟住又鬧交...為咩呢??

=========================

三小姐...係咪玩野?? 知我唔識倉頡, 想同我上堂???

=========================

4哥...我知你仲好關心我, 你個名雖然已經好耐冇o係呢到出現...不過我知你會黎睇, 想知我我近況既~ 其實前幾日打過俾你, 不過去左留言...咁我都知你去左邊...所以都冇再打!