點解我個sm咁夜走?? 佢依家先出email俾廠, 但佢d資料唔知o係邊黎, 因為個客冇俾我~ 但office hour又成日傾偈呀, 講下電話, 夜晚先黎做野~ 好討厭架喎~

我發覺每次去一間新公司, 最快識到mis既同事! 今日打俾個mis叫佢幫我搬個mon去右手邊, 打去亞俊ext, 有人話佢去左liz, 咁我叫聽電話o個個同事幫我搞啦...我問佢係邊個, 佢話係琴日我叫佢hold起d衫o個個...哦...我知邊個喇!!

明天去食buffet...hohoooo~

今日ruby last day...居然菠蘿都係去levis...佢地就好啦, 今日放下晝去左tea buffet....好想喊  唔知ruby俾我o個d係咩黎呢...好心急呀!!

小強好慘哦...你地咁團結, 會唔會成班人一齊星期五留底? 咁鬼佬又會唔會留底呢??

又係咁...每日5點幾6點就開始頭痛, 真係因為個mon??

朝早vicky打黎, 佢話baby想叫我hold起20年恤衫size m...嘩...搞錯呀!! 不過搵到3件咋~ 叫同事hold起d衫, 但到lunch之後話唔hold得, 3點唔俾$$就拎返出黎賣~ 咪俾囉!! 原來3點開始減價呀!!

琴日o係公司見返何記一個師姐, 佢唔認得我, 我問佢係咪何記, 佢話係...就咁相識左! 佢都係f.7畢業, 不過佢之前唔係做garment, 入黎做左年幾, 依家係am...佢問我入黎係咪am, ohhh nooo...當然唔係啦!! 佢話佢可能會升做jm, 問我人工會有幾多, 我當然冇話佢知我幾多啦, 只係話出面大公司am最多俾11-12k, 佢話mexx俾9k咋!! 又問我manager有冇20k, 咪玩啦, sm都20k啦!!

琴日簽contract, 發現比起liz俾我transfer過黎個人工多左$400!! 嘩....!!!

今日mexx開倉...ummm....no good ar!! d野唔靚, 仲以為有膠袋, 點知都係一堆二堆, 不過今次有銀介子同耳環, $50咋!! 買左一隻介子~

好忙...8點先走, 去左同bobo & carrie食和民補慶生日! 多謝晒

好眼訓...要訓喇~

p.s. 仲未買倒後鏡!

今年生日...有好多感動位~

5/31 LIZ last day, 班同事lunch同我farewell, 仲買左個生日蛋糕同我慶祝, 本來佢地係靜靜雞拎個蛋糕返黎, 點知俾我見到喎~ hahaaa... 好開心呀!! 成10個人o係間房仔度唱生日歌, 影相, 切蛋糕, d相未send返俾我, send返俾我就post d上黎啦, 有幾張好搞笑...

6/2, 同D去太子食壽司, 將近12點send個"生日快樂"msg! 到仲有10分鐘到12點, jimmy仔打黎, 嘩...好有心呀!! 佢死都要同我講到12點正, 話要搭正同我講"生日快樂"喎~

6/3, 上午好平靜, 因為mexx冇人知我生日...到10點幾, reception打黎叫我出去收野~ ohhh...係一扎鬱金香...d同事就知我生日喇~ 有諗過會唔會係A君...但佢應該唔知我生日, 會唔會係D呢? 但佢應該唔知mexx地址~ 睇下扎花上面張卡...雖然冇署名, 但一定係D!! 到下午兩三點, LIZ D同事就開始send email過黎講happy birthday, katherine仲畫左張birthday card, o係上面簽晒名...好感動呀!!! 之後4點tea time, 成team十幾個人出去canteen圍埋一張台吹水食野, kevin話要唱生日歌俾我, 咁成十幾個人一齊唱, 坐o係隔離幾張台唔識既都一齊唱, 唱完仲拍晒手, 舉晒柸...搞到我面都紅晒~ 6點幾走, 去左太子和民食野, 之後本應去影卡卡, 不過太大雨, 冇去到~ 仲有, 9點幾...vicky or send左個msg黎祝我"生日快樂"!! 今年生日禮物有...burberry絲巾, kitty memo+pen stand, kitty落雪擺設, kitty一set彈起扭蛋, kitty一隻小小瓷柸連碟擺設, 10號刻名介指一隻~

今日嬲左亞4! 我正日生日冇同我講生日快樂, 琴日msn見到佢話佢知我生日先識講happy birthday! 舊年佢搭正12點打黎架! 又話最錫係我...講大話! 仲話我正日o個日唔舒服喎~ 但第二日就同人去食飯囉! cheap精!! 係呀...嬲呀!! 擺到明係唔聽你電話架啦, 我見來電係9哥電話先聽咋, 如果知係你, 一樣唔聽!

ps: 原來我公司地址可以o係www.mexx.com搵到~

8點11去到mexx, 好少人返工! 坐左一陣, 有人話HR 9點3先返工, 頂...!! 之前個hr話有好多人返工, 車...得4個之嘛, 今日liz都有9個啦! 大驚少怪!!

10點開始埋位做野...sm俾左個box file我, 之後就叫我睇email, 佢話睇晒就知個故仔喎~ 大佬...你send唔係問題...得o個5款野, 逐款講outstanding都唔死啦! 睇完...好亂...update send, outdate又send, 想點呀?? 睇完email要執返晒d data出黎整個chart, 睇下有咩outstanding! 睇埋個file, 唔掂! 都係要我逐款問sm廠報左d咩, 出左俾客未! 結論係...未check廠, of course未俾客啦!! 我即刻打電話俾d廠...check晒即刻send俾客cfm, oh...no...有d連qlty都未批! 最搞笑有一款...價錢,貨期, trims未cfm, 但body fabric已經染緊...有冇病呀??!! 個style sheet個幾月前已經出左, 搞到依家都未搞掂, 仲要有d係repeat order, 死未! order要cfm喇, 但lab dip都未打, 仲話要俾客批, 佢地真係"座定粒六"我黎到會幫佢地搞掂! 咪玩啦...都唔好搞d屎出黎丫!! 得o個幾款野...玩到我8點! 頂!!!!!!

仲有我個位呀!! 斜斜地背住manager, 睇晒!! 要買3m防偷窺先得!

唔該小強send返d address俾我^_^ liz返左新女...睇中邊個呀? 未試上唔上到web msn呀...唔得閒呀! 明天啦~