電腦俾水整濕左, 屋企冇電腦用呀~

1 oct sat - 6點幾入左大嶼山塘福, 有11個人, 夜晚bbq

2 oct sun - 12點幾交房之後入去大澳, 睇海豚, 兩點幾3點食完lunch就返去喇~

3 oct mon - 7點幾放工, 送電腦去醫院...

4 oct tue - 7點幾放工, 去醫院探電腦... 去左新世紀食壽司之後接做完手術既電腦返屋企. jeff過左黎mexx, 同佢o係公司樓下傾左一陣...

5 oct wed - 8點幾走, 去左食順義, 返屋企擺好個電腦, 發現冇左power cord!!!

6 oct thu - 7點幾走, 去左牛頭角教會

7 oct fri - 9點9走, 搭的士返屋企

琴晚8點幾走, 去左佐敦食野, 之後捨巴士返屋企

個新同事呢兩日都有返工, 希望佢做得長啦~

明天director返黎...10號風球高高掛...已經約左大家一齊唔帶飯出去食, 迴避呢個打到正既風球...閃閃閃~ 之後又約埋一齊6點幾走, book台打邊爐...都係為左...閃閃閃 & 擺工!!

好無聊囉...明明開會時已經講晒要同客講既野, 點解又要報告返俾我知會同director講咩, 又問仲有咩要講?? 大佬呀....你係manager黎架...d野自己做啦...連出一個email俾director都要我坐你隔離一齊陪你寫...搞錯呀!! 真係冇咁多時間同你玩囉~ 人都sweater o個邊成棚人跟...我地就得3丁友, 仲要跟埋其他客...點做o者?!

今日亞姐開始真正教我計價, 之前我報o個d係base on佢計左之後再加d鈕呀, 印花之類, 今日教我計埋cmt...嘩....煩到丫...真係煩到你唔信~ 佢話教識左我, 之後就可以同佢一齊玩報價...大家唔好忘記我做行, 不是廠, 但我公司係要幫廠計價...而廠係冇得異議既~

收到稅單喇...連預繳要交成7千幾蚊...我諗bobo都唔好得我好多...你交幾多呀??

玩netvigator icq, 依家3個acc都爭隻死肥狗...明天last day喇~ 我想要個kitty袋呀...

好多野做呀~ 今日一開email, 又有十幾款新野返...係咪傻架?? 亞姐決定左以後所有款都我跟晒, am唔會獨立跟單而係幫手入機做paper work...咁就真係死得~ 個黑眼圈會愈黎愈大!!! 晚晚夜食野, 肚攬又會出黎...死喇~ 冇人要喇~ 嗚嗚嗚嗚....

今日個新同事返工...ummmm...好慘...manager同佢食lunch, 而唔係大圍一齊食...究竟佢同manager有咩關係呢??

今晚都係9點半先走, claim埋柏婷個dinner就可以有$90可以claim喇~ 去左食壽司, 兩個人都食左$101架~ 好勁~

ummm...估唔到仲會提起我, 以佢既為人, 應該唔俾人知先係...

返到黎, 有一塊hello kitty藍色好靚既布庶住個window...因為之前同媽咪講過個隔離屋夜媽媽都仲開燈開電視打機, 要換過個深d色既window廉庶住...

掛左都有兩日...究竟要掛到幾時呀??

琴晚3點先訓, 訓到今朝7點幾...之後9點又訓過...訓到12點幾~ 食完野...3點幾4點再訓, 訓到7點半起身~ 如果個個星期日都係咁...我諗都會肥返小小既~

唔開心囉...人地放假又落雨, 冇得出去玩!! 下星期唔好落雨啦...乖啦~

星期六...收到個唔係我既sms...睇清楚人名先send啦...已經唔係第一次!

hehehee~~ 好野...買左雪糕~ 你唔舒服唔准食, 要看住d雪糕唔准第二個食...d雪糕係我既!!

明天有個叔叔新同事返工...佢...唔會有好日子過!!

星期五...又同個死蠢manager講報價問題....佢依家憎死我喇...野野我都頂撞佢...不過我亞姐同我同一陣線! 有個senior話我唔放過個manager, 次次同佢傾一d敏感問題都頂撞manager, 不過其實公司冇一個人認同manager既做法, 我都係同manager講道理之嘛~ 我亞姐(都係senior)話我..."heidi個個都唔放過架啦, 唔係淨係唔放過manager!! 不過我鍾意, 哈哈~" 同team有另一個heidi, 佢亞姐話要train到佢要似我, 咁先唔會俾人蝦~

今日好大風呀~ 五點幾先出街, 夜晚去左大角咀食飯, 之後去奧海城影相, 三條友勁無聊...不過都好開心~