tracy同事今日又喊喇... 我都知今日有事發生架喇~
今朝搭lift時同denise一齊, 佢話同我有同樣問題, 就係布組俾既資料同辦房報用料個封度有出入, 搞到拎晒d野返屋企但又做唔到野, 好嬲~ 咁就黎lunch, tracy, denise同經理討論問題, 之後冇耐就見到tracy喊喇~ 其實真係好大個疑團...辦房報consumption既資料係布組俾架嘛, 冇理由錯, 事情表面上真係tracy錯...但又可能辦房報錯架喎...唔知呀...今日唔敢問呀, tracy都冇同我地出去lunch, 因為要對返晒d野~
咁我啦, peggy同heidi yeung就出去lunch喇...到就黎食完之際...死!!我銀包得返$10!! peggy不嬲唔拎銀包, 因為試過lunch唔見, heidi yeung次次都有拎係今日冇拎~ 其實不嬲出去食野都係我俾先架...冇辦法, 即刻去"手禁"機啦...去到中銀逝機...頂...太耐冇用, 佢凍結左個戶口!! 最後要tracy o係公司拎$黎埋單...好核突呀!!!
今日有個公司清潔既大叔, 不嬲佢都好好玩, 叫亞森, 我地叫佢sam or sam sam~ 行過reception, 佢問我做咩扎兩條孖辮, 我話要扮細個囉, 當時仲有ups既人收緊件~ 之後轉過頭又行過reception, 佢話我已經好細個, 仲洗咩扮, 又話ups個人都話我細個, 問我夠18歲未~ 呵呵呵呵...真係開心到爆!! 我話我唔只18, sam又用好認真既語氣問..."你夠廿歲未呀?? 睇你都未夠啦...!!" 哇哈哈....
今日返到去亞姐見我包雲吞, 把聲又變埋, 叫我6點好走人去睇醫生...到6點3...未走得哦...7點半....走得喇...死啦, 唔知醫生閂門未...好趕..又要"手禁"$$...8點半過d返到屋企樓下, 護士姐姐準備收檔...好彩...佢都俾我入去~ 唉...如果唔係亞姐叫睇驚惹到佢...都唔睇呀~ |
