今朝11點去左飲茶, 之後3點又訓過, 訓到5點半呀~ 正!! 7點去到婆婆屋企食飯, 8點半就走喇~
=====================
點好呢? 都聽左幾個朋友既意見, 一d就話試下, 一d就話唔好...
emma: 唔好呀! GAP唔好呀, 做死你! 你依家14個月, GAP得13個月+B, 梗係唔好走啦~
brian: GAP個名響過MEXX喎...公司又大過MEXX, 試下冇壞o者, 你跟tommy to, 佢一定教到你野~
vicky: 你唔好成鬼日轉工啦...自從PINE LINK出左黎之後, 冇份工過一年...你起碼搵一間公司坐耐d, 就算幾難做, at least做兩年先再轉啦~
小南子: 試下啦, 趁候生博下丫嘛, 唔通老左先博咩, 快d打俾kapo啦~
kapo: send左cv過去in左先, 問清左要做d咩, 如果only做production就唔好喇~ in完再打俾我啦~
唉...其實...CV今晚先send, 佢叫我去in, 我會去, 睇下gap係點&做d咩先啦...到時我可以再考慮架嘛~ 同埋...可能人地唔要我呢, 唔知架嘛~ 今日諗...我依家轉工, 有d係為啖氣囉~ 我唔鍾意liz調我過mexx, 我都唔係自願既! 仲要有d恐嚇我! 超唔順氣囉... 我講過...我會o係mexx坐定, 一有機會就走, 話知佢死!! 話時話, d工唔係我自己搵架喎...次次都係有人介紹~ 仲好多時都係brian tim! hahahaa... 上次佢叫我過club monaco試下sm, 冇過到...都有小小呻笨!! 講真...上次kapo叫我入liz, 真係冇諗過咁快玩完, 係liz要我過mexx之嘛...人人以為我好好...其實都不知幾慘! 除左d vendor & suppiler好尊重 & 個sm超好人之外, 唔覺有咩好喎~ 成班o靚妹… 好Q嘈!
講開嘈…琴日同舊同事飲茶我話MEXX好多20, 21歲既o靚妹, 好鬼嘈! 佢話當年o係pine link(3-4年前, 我都仲係20,21歲)都覺得我好嘈! 哈哈~ 我諗真係大個左!
頭先同vicky傾左一陣, 佢話我殘左好多, 我都知…仲話我瘦左~ 其實依家同pine link 最瘦o個陣差唔多, 都係92-94磅, 不過vicky話我塊面係明顯尖過以前~ 大個左丫嘛, 冇baby fat正常既~
好懷念以前pine link既生活(兩年半), 係我出黎做野5年黎最開心既工! 因為o個陣我係全公司上上下下最細既一個妹妹仔, 個個都好錫我~ o個陣同vicky孖公仔, 成日o係公司周圍走, 周圍嘈~ 以前sm –alice & manager –kapo都唔會鬧我(因為知我唔鬧得, 一鬧就會死晒冇心機做野), 又唔會話我嘈, 但vicky個sm –wallace 就成日叫vicky唔好同我玩咁癲…話好嘈喎~ 有…我地有聽佢話, o係佢面前咪唔嘈囉, 走出出面o係工場先嘈, 我地是旦一個出左去, 另一個就會自動跟埋出去, 有晒默契! 其次最記得既就係幫vicky追小南子…最刻骨銘心既咪就係識左D囉~
初初做o個陣成日俾d師父恰! d野唔明又唔話俾人知, 淨係叫我搵阿姐同佢講! 做落左同d師父friend左, 原來佢地都唔衰架, 會教我野~ 過左三個月啦, 就成日俾人讚喇, 話我快上手又聰明~ 話時話, 我又真係幾叻架!! 呵呵呵呵~~
=====================
感情既野冇話邊個o岩邊個錯, 旁人更加唔可以做裁判, 話邊個唔o岩~ 每件事都有前因後果, 根本唔可以將每件事獨立睇邊個o岩邊個錯~ 當事情發生喇…就要去面對, 去了解, 去解決, 而唔係呢埋唔聽電話, 唔聽解釋…人地咁做可能其實係你一手做成, 兇手就係你自己, 但因為唔去了解, 所以就一口咬定係人地錯晒! 兩個人一齊係好唔容易, 何況係搵一個可相伴到老既人呢~ |
