今朝起身都幾涼, 著長袖衫返工喇~

今日返到去...勁呀! 有over 180個emails, 睇左成個上晝, 下晝先開始做野~ 收到呀經理email, 話我, 亞姐同kevin去training唔預早講佢知喎~ 車....佢自己放假咪又係之前一日先講~ 好...咪知會下佢囉~

明天有supplier請飲茶~

==============

好野...明天返新工喇~ 祝你好運啦~

起身喇...去西貢游水呀!! 可能係今年最後一次落水架喇~

原來三小姐都有睇"再說一次我愛你"...開場冇耐, 講亞sa死左, 咪有一幕講亞sa以前為左見老公拎部notebook去醫院, 但護士唔俾佢入去, 佢o係出邊坐既...我o係o個度開始喊喇~ 楊采妮問老公拎電話睇o個幕...直情怒啤隔離o個個...哈哈~

仲有"明日還"...有人呢...睇完搭巴士時拎住我隻介子扮"明日還"o係度學劉華變魔術...我諗遲下通街都賣"明日還"

其實楊采妮幾時知o個個唔係佢老公??

===================

最後一游~

今日去左半月灣游水, 計埋我有4個人去~ 有人一朝早o係度發皮四囉....打打打打...!!! 11點2去到西貢, 佢地食野, 之後12點多d搭船仔入半月灣~ 好少人呀!! d水都ok清, 見到魚魚~ 都有太陽, 不過都係晒唔黑, 個身唔係好黑, 係對手黑d~ 4點就執野沖涼, 6點半返到彩虹, 8點去左大角咀食飯, 10點9返到屋企~ 明天要返工喇... (11:26pm)

20 oct thu
下晝返左liz training, 5點完左之後冇走到, 拎左小強張key card用, 佢個樣死下死下, 話唔舒服喎~ 後樓梯...依然係煙霧迷漫~ 行過都好似食左煙咁~ 去左同哥哥地傾偈, 之後同fanny, may may, 跟住過去vicky度~ brain話o係mexx返緊黎, 等埋佢, 6點一齊搭巴士走~ 夜晚去左尖咀唱k, total有9個人, 慶祝其中兩個人生日~ 佢地同月同日, 都係10月21, 不過應該唔同年~ 玩到12點幾走lu~

21 oct fri
去左迪士尼~ 好細呀!!!!! 12點幾入到去, 行左一陣已經行晒! d機動遊戲好渣! 最勁o個個space mountain都唔夠海浪公園個越礦飛車勁, 真係差幾皮! store入面d野都幾靚...買左一頂帽, 3個key chain, 4支pen~ 3d影院唔夠勁, 3d唔夠~ 6點幾開始去搵卡通人物影相, 點知6點3就唔俾排隊, 話因為7點firework喎~ 影左高飛同隻狗咋~

夜晚去左ifc睇戲..."再說一次我愛你", 見到woven個manager坐前面喎~ 不過唔知佢叫咩名, 佢都唔識我~

好好睇呀~ 又係一個催淚彈! 開場唔夠15分鐘就喊...喊到散場!! 入面有d情節好似曾相識...o鞋...代入左, 一喊不可收拾~ 亞sa好低能...不過佢做d野我都會做~ 我都係一個低b~ 我諗我第時做左人地老婆都會好似佢咁!

"第108次聽日"~ 係啦...係咪真係有聽日呢? 有邊個可以保證一定有聽日? 亞sa...已經唔可能再有109個聽日喇!

楊彩妮偷睇佢老公電話, 第二日問佢老公... "你可唔可以俾個電話我睇?"  o個幕...嘩...真係...一刀插入我心呀! 但其實佢老公好愛佢, 佢delete晒其他sms, 仲同個女人講唔會對唔住老婆...點解仲要咁做呢? 一切坦白咪得囉~ 你隱隱瞞瞞, 就算冇野都話有野啦~ 見到個女人約你, 你又去個女人度, 雖然係去拒絕個女人, 但返到屋企又講大話話冇其他女人既sms...老婆會點諗丫?? 唉....男人!

==============================

You...HAPPY BIRTHDAY~
Wish HAPPY all the time!!

今日7點半走喇~~

明天去liz training~ yeah yeah~~ 可以見到d舊同事!!

日日都俾紙界親, 又撞親...好"倫盡"呀! 今日寄完辨, 無無聊聊拎左把軟尺....hahaaa~~ 度大脾圖, 亞姐最粗, 第二係carmen, 第三係我! 之後係度手指距...我最闊, 亞姐同carmen一樣! 跟住度頭圍! ohhh...我個頭最大呀!!! 點睇都係亞姐個頭最大啦~

哼.....好彩頭先有應我...如果唔係聽日過到liz對住你黑面都似~ 我聽日唔搵你架~ 係啦...跟住bb啦, 跟住佢聽日就見到我架喇~

琴晚都係10點幾先走, brian去左poly聽course... 冇諗住咁早夜走, 點知又係搞下搞下, 見brian就放course, 咪等埋一齊食野囉~ 搭的士出旺角匯合, 去左旺角中心對面o個d樓上cafe shop坐~

上面都幾迫, 唔係咁好坐, 叫左一碟意粉兩份食, 因為太夜食野易肥呀!! 叫左柸朱古力咖啡, 好好味哦~ 傾偈傾到差唔多一點先走, 不過返到屋企好快, 點半未夠就到...但brian先剛剛上車...ohhooo~~

原來o個日見到o個個唔係derek女朋友黎架...係傳聞中既...ehheeee~~ 第二日derek上晝冇返, 病左喎~ 哈哈~ 雖然我人唔o係liz, 但都好似好知liz入面d事喎, 特別係mis...hahhaa~

今日下晝brian poon打黎, 佢冇返工, 個鼻又有事~ 同埋佢話約左大佬alferd lunch喎~ 好忙呀...sampling pass過黎d野好亂, 要用好多時間將好多個chart既資料合併...好煩...到7點幾, 我地3個各自玩緊新既遊戲...亞姐o係度玩express, carmen玩緊system, 我就玩chart, 大家都發呆...亞姐同我講野, 都係應左一聲...之後同佢講"算啦, 你唔好同我講野, 你講咩我都聽唔到架喇~" 之後亞姐話"我知你聽唔到, 你當我自己同自己講野得架喇~" hahah~~ 過左一陣佢地兩個走左, 我諗仕做埋個chart, 但....真係頂唔順~ 8點半都走喇~

好眼訓...訓u~

天氣開始涼喇~