其實今日都唔係做左d咩o者~ 但好似好眼訓咁~

近排講左好多大話...仲要講到似層層, 好似好委屈咁~ 明明係間廠走唔到貨但係癩落香港海關度, 話海關扣關...d大話大到丫...唉...我都唔想架....

明天lunch同oliver farewell, 後日lunch有廠請食飯...加上星期五...係惡夢既開始~ heidi...仲唔死!! 做死你做死你!!

終於知道carmen之前唔睬我喇!! 佢係我既am, 原來佢係甘於data entry唔想跟咁多野...我一入到mexx, 亞姐要佢跟多d野, 要佢學多d...就係咁, 佢唔睬我!! 不過近排又好d喎~ 我撩佢玩, 玩落又冇野喇喎~ 同埋琴日同亞姐傾過, 亞姐講我知要點同佢相處, 知道多左, 會識同佢溝通~ 黎緊會好忙, d工作比依家多一倍, 我地三個要好好坐低傾下工作分配..uummm...唔知架...到時睇下點~

明天...要早d訓~ 不過...都唔知幾點收工...

不如炸左個頭丫~

黎緊會好忙...workload會係依家既一倍! 冇錯...係足足一倍!! 由今個星期五開始! 唉...同亞姐夾定架喇...做唔掂唔會勉強去做...一早話pick up唔到架嘛...個account死...我都冇辦法~ 同埋...我責任會好重, 有咩styling, s/off, color approval會係我做, 亞姐會負責costing, am會負責paper work加小小跟單工作...唉...好大壓力~ 點算...真係晚晚起碼10點啦~

==============

好一個名... color bert, 顏色筆! 哈哈~~

今朝又係醒左好多次...7點幾...9點幾...最後係12點...

打左俾幾個朋友, 一係約左人, 一係要訓覺...終於stanley話細佬raymond同個friend去游水...好就去游水啦...我出去時已經差唔多兩點...去到彩虹raymond話有小巴...點知冇架...要搭巴士...去到都3點3喇...游到5點就走喇!!

我好叻呀...其實我唔係好識游水...我要水泡架...不過游到背泳喎...佢兩個唔得架...哈哈~ 游到防沙網潛坐睇魚, 找住個網時界親手指...不過好彩唔係"失頭哥"... 上次同今次都冇太陽...下星期...俾個太陽我丫...

放晚返石圍角做節~

================

D LYM B

超眼訓...今朝一起身眼訓到依家~

話說今日經理又搞左個笑話出黎...個客reject左qlty, 佢居然叫我亞姐叫廠落布單, 因為佢之前自己應承左個客貨期...亞姐當然唔肯啦, qlty都未批訂咩o者~ 到時個客遲遲唔批野又cancel單, 點計?? 講真...qlty未批, 叫人地跟咩去訂? 都癲癲地~

今日聽左兩次..."你好瘦呀!" 分別係兩個唔同既人同我講!

=============

估唔到會用個玻璃樽入住放o係公司...真係估唔到...