今日都仲係諗緊琴晚d野... 諗諗下...其實我應該信邊個呢? 不過...件事既然唔關自己事...點解要理呢? 曾經睇過一篇文章, 話一個人唔開心, 其實因為太理唔關自己既事, 理左自己d野, 做好自己更重要~

返工...仍然好嬲...日日都有事發生...

好想打俾你, 但唔知你鍾唔鍾意, 驚你唔聽電話, 又驚煩到你, 你唔打黎, 真係唔敢打俾你... 連send sms都唔敢...

放工返屋企, o係af8坐左一陣, 見到一個媽咪同個囝囝o係公園玩...開心其實可以好簡單...

本來今日可以好早走, 但因為義氣, 幫同事批野, 最終10點先走, 而兩個senior就激到7點未夠就走左喇~

10點半返到屋企樓下, af8, 坐左半個鐘, 不停聽"心亂如麻", "my love my fade"

返到屋企, 同一個識左4年幾既舊同事傾電話...發現好多真相...好驚... 原來當初我聽既野, 好多都係大話... 有d說話仲係完全意思相反! 我係咪真係太易信人呢? 我交個心出黎信佢, 同佢做朋友... 但原來佢呃我, 仲作故仔, 諗返佢講過既野...好恐怖呀... 人真係可以為求目的, 不擇手段! 好down...

近排天氣唔係幾好, 會落雨, 咁既天氣你隻手同隻腳都會痛... 仲會頭痛...

今朝9點幾醒左...冇野做, 上網睇電視, 睇雜誌, 都只不過10點幾...好想去你到, 不過...
訓返上床tum自己訓覺, 不停同自己講...

其實開心可以好簡單...你睇下...出面幾好天? 幾開心, 起碼唔落雨啦~
其實開心可以好簡單...我有一張好舒服既床...好過有d人要訓街...
其實開心可以好簡單...我有一個錫我既男朋友, 不過佢要做自己野...好過有D女仔成日俾男朋友打...
其實開心可以好簡單...我有一份工, 雖然做得好辛苦, 但總叫收入穩定...好過出面D人失業, 仲搵緊工, 憂柴憂米~
其實開心可以好簡單..............................

發夢...你打黎....好真...好開心, 醒左...原來發夢...
發夢...你搵到一份返5日既工...好開心, 醒左...原來發夢...
發夢...又係你....

諗返起...舊年EASTER...自己過...
今日教會又比賽, 我諗你都會去打氣~ (2:40pm)

o岩o岩見到你4月5日既留言...即刻喊到... sorry... (2:51pm)

-----------------------------------------------------------------------------

i'm so sorry...

Bady I Love You So Much
你走了  我的心在淌血
想要你回到  我的世界

----------------------------------------------------------------------------

4 April, Tue
去睇詹瑞文...都幾冇聊, 睇完去食野, 食完李送返屋企

5 April, Wed
清明放假, 同dd去和民lunch, 之後去探佢亞爺。6點半去新世紀睇本能2。之後.....

6 April, Friday
同個社工傾偈, 傾左4個鐘, 傾左好多野, 傾做野, 佢屋企, 我屋企, 好多好多...
佢可以睇得好開, 問我點解成日都唔開心, 佢話其實開心可以好簡單, 當時佢叫我睇下張台, 整得好圓, 其實係一件開心既事, 唔係人人都可以整到, 起碼, 我同佢一定唔得! 仲有講左好多人與人相處既野, 佢自己要有好大空間, 所以佢都可以俾好大空間佢另一半... 問我點解要咁執著~ 傾下傾下眼濕濕...

7 April, Sat
打俾你, 原來朝早同你媽咪去醫院, 之後中午去connie到開會, 之後你去踢波...
好無奈...唔開心, 但其實我知你要既係時間去做自己既野, 我只係怕你俾大壓力自己, 唔舒服, 又頭痛...
下晝去左同朋友o係旺角join埋, 兩個人冇地方去, 去左睇戲, 睇死神來了3, 好多人睇~ 個fd好勁, 散場走o個陣居然見到後幾行有個電話。我地開返部電話等個主人打黎, 等等下我地兩個個心開始動搖...咁耐都冇電話既? 之後我地離開左旺角, 過左3-4個字...個朋友話不如等多半個鐘唔打黎就賣左佢, 但我話之前已經等左3個字, 俾多3個字佢啦~ 再等, 等左3個字都冇打黎...就咁就賣左喇~ 去左兩間鋪隔價, 最後$1200成交~ 本來個fd諗去去買電話, 但去到佢個fd又叫佢唔好買, 最後冇買, 佢分一半俾我, 本來我唔要, 雖然你我拎去賣, 但係佢執架嘛...不過佢偏晒樣咁...最後都要左...hahaha~ 之後去左坐底傾偈, 傾左一陣就走喇~

星期五放左假, 今日返去百幾個email, 好煩呀! 日日返去d時間都唔見洗, o彭一聲到lunch, 又o彭一聲6點! 寄野真係好o徒時間, 三點幾4點開始寄, 次次搞到7點先得, 一個星期around寄4次, 次次唔見半日做野, 好鬼唔掂!

今日亞姐見到我...佢話我個頭好型喎, 不過就要keep住剪前面d陰, 如果唔係就拮眼~ 原本嫌前面太長, 諗住自己收一收, 但點知peggy話攞新id card唔俾d頭痛遮住, 要夾起佢架! 搞到我即刻唔敢剪, 到時真係夾唔到咪死~

估唔到dicky咁勁...都好準喎...不枉我琴晚同你講咁耐電話, 抵晒~

上星期四同emily, 熊貓 & dd去左apm食飯傾偈, 我好夜先到, 因為要開大會! 總括大會既內容係...under perform既同事唔炒得, 反而我地要幫佢做埋佢做唔到既野, 而overload既同事如果因為overload要走既, 經理話佢都冇辦法喎~ 咁我好大聲o係個會同經理講...我之後會選擇under perform架喇!! 頂佢丫, 佢成日拎自己黎同我地比, 話自己點辛苦, 佢年尾分十幾皮我冇架喎, 點比呀老細!!

星期五放假, 返liz同哥哥食lunch, 雖然耐唔耐都有講下電話, 但見面就真係好耐冇見喇~ 食完lunch出左cwb整頭髮, 拉返直佢~ 今次唔係整左好耐, 坐左4個鐘, dennis好鬼比心機去整我個頭, 掂呀!! 整完打俾brian, 咁o岩佢又黎hk side, 約左去上環坐底飲野~ 佢一見到我就話個頭整得幾好, 不過如果肥返d就更好喎~ 真係要澄清囉, 我冇減肥架, 咩都食, 咁唔肥都真係冇計架~ 飲完野搭巴士返屋企睇大結局~ 不過dd就好慘喇, server死左, 返完學仲要返屋企整機, 整到半夜4點呀!!

琴日星期六dd要返工, 本來約左太子等, 我過我遲左出門口... 咁佢就返屋企先, 等我買外賣上去dd屋企一齊食~ dd一見到我就話以前見過我呢個頭, 又話似"謄麗名", 以前都係咁講...hahaha~ 我地一邊食一邊睇dvd~ 食完就梗係訓覺啦, 4點開始訓到8點, 跟住同dd去新屋, 佢整機我睇電視, 整到12點, 不過整唔到, 之後走左去旺角食野, 返到屋企我好鬼眼訓, 但dd居然仲可以睇晒king kong先訓, 我冇睇呀, 一早入房訓, 到唔知幾點dd入黎好似同我講想睇波, 唔記得我講過咩喇, 之後佢話唔睇, 跟住就一齊訓喇~ 到今朝9點幾醒過, 不過最後大家都訓到11點, 我...好肚痛囉~ dd返教會開會, 等佢開完返黎同我食野~

琴晚你同我講...cml同emily影婚紗相o個陣去睇下, 開頭以為你想學下點影, 哈哈...估唔到你話睇下佢影d相o岩唔o岩我地, 又問想唔想行教堂~ ummm...都同你講左架啦~ 今年6月3日我結婚丫嘛...早d到喎~ 2 april 1248