你說你就是這類人, 要我懂得接受~ 但我說我亦是另一類人, 你可否接受? 你喜歡結識朋友, 特別是女生, 你認為這是建立人際關係的一種~ 但我說我都喜歡識朋友, 出去玩, 你不喜歡, 你說這樣會破壞我們之間的感情, 難道你出去結識女仔朋友, 追問別人何時day off不會破壞我們之間的感情嗎?? 公平一點便可以了~ 你要我接納你, 那麼你亦可以接納我嗎? 常常為這事大家不開心... 有何辦法解決??

你知道我極度介意那個"她", 你說過不會與她繼續聯絡, 但事實呢? 你口講既全部應承, 但做呢? 我早說過不論你用何種方法與她聯絡, 我都會離開! 你就是不信!

剛剛媽咪問我關於你的事...我不太懂得回答, 她問我你定性未? 我更加不懂回答...媽咪問我幾時結婚, 我只懂答她,"現在的我不想, 因我未玩夠!" 問心...我是否真的未玩夠? 不是...只是我不懂回答, 唔想媽咪擔心, 唔想讓她知道我的無奈吧了!

琴日一朝早6點3起身,
凍冰冰死入上水之後o係堔圳搭8點車去汕頭!
坐左4個幾鐘車, 有3個鐘訓左, 一個鐘同同事傾偈,d時間都ok快過~
上到去12點幾食晏, 食到差唔多兩點去睇廠,
睇到4點話走, 個事頭婆好好客,
俾左好多野食我地拎返hk,
我地3個人, 一人拎左兩大袋野返黎,
其中士多啤梨同半隻鵝拎左去大灰熊到,
話時話...o個半隻鵝呢??

原來ken ken同我同月同日生日, 不過細我一年~
唉....突然間老晒咁~

**姑姑, 寶珠姐, rebecca --> 生日快樂呀!!

頭先去左長沙灣有骨氣打邊爐, ok啦, 不過貴左d... o係有骨氣撞到denise, 佢走o個陣抱左個女過黎say goodbye, denise佢叫個女叫我...仲我做....姨姨!!! 冇冇搞錯...擺到明我未係姨姨啦, 我即刻叫佢個女叫我做姐姐!! 激死我喇!!

去打邊爐前撞到個mexx同事, 唔知佢叫咩名, 不過知佢好鬼懶, 踢極唔郁o個d, 因為上次outing同佢一team, 佢成條懶蛇咁咩都唔郁, 又跑最尾o個個~ 原來佢係戴生d舊同學, 當地張文都o係度, 佢過佢地冇打招呼喎~

你...又激我!! 好難為你咩??成日都賴皮!!

HAPPY NEW YEAR!!!

================================

攪掂...終於唔出亂碼喇...唔好再話我渣呀!! 打死你~

================================

好耐冇上黎寫日記喇~ 回顧下上個月發生既野先~~

聖誕去左大陸玩, 陽江, 新會, total 有8個人去, me, dan, con, joey, shela, elaine, yandy, ho~ 第一晚去左浸溫泉, 第二日去左新會o個邊, 去左一個舊影城影相, 入面雖然唔係好大, 但足足玩左3個鐘, 勁影相!! 3日兩夜既行程, 影左2千幾張相, 比起target5千少得多啦~

仲有一件大事, 就係...小南子原來係d咁既人, 真係唔相信, 鐘意第二個咪講清楚囉, 點解要搞到唔清唔楚, 講大話??仲擺埋d朋友上台!! 其實vicky唔底幫, 佢有事先黎搵我~ 好似琴日咁, 佢上晝打俾我話下晝同小南子去律師到簽名, 簽完想打俾個女仔, 但想我陪佢一齊打, ok, 不過我已約戴生3點o係旺角等, 之後入元朗個朋友屋企~ 下晝4點幾vicky打黎話簽左名同緊南去食野, 咁我都已經話佢知同戴生入緊元朗, 過左一陣vicky又打黎, 話打左俾個女仔, 個女仔信晒南講野, 信南冇同居, vicky又叫個女仔同南一齊上佢屋企執野~ 但vicky自己又驚, 叫我即刻去佢屋企陪佢, 仲話可以叫埋戴生一齊去,一佢真係short q左囉!!! 我同戴生一早約左班朋友, 係佢自己叫個女仔去佢屋企架嘛, 又要驚喎~ 我叫佢同佢亞E講, 要佢亞E陪佢, 佢又話唔得, 但點解唔得佢冇講, 叫佢搵第二個朋友又話搵唔到, 大佬...琴日咩日子呀?? 梗係冇人睬你啦, 仲要搵唔到人先我, 我話唔得就即刻收線!! 低能!! 有事鍾無艷, 無事夏迎春!!!

第二樣就係...有人好得閒, o係街撞到人又send個sms俾人!! 好威啦...3年喇~ 人地電話#都仲記得! 我都記得架!! 你講架, 係你俾我睇網上電話費單架!! 係你話之後冇send過sms俾佢架~ 唔希望再有下次! 你可唔可以o係做某d野之前諗一諗如果我對你做同樣既野既時候, 你會有咩感受呢? 己所不慾, 勿施於人呀!!

琴晚去左元朗ling ling chu屋企打邊爐, 玩遊戲total15個人, 交換禮物抽到隻柸~ 我幫戴生buy埋禮物去抽, buy左一個鴨仔日曆同一個kitty+daniel玩具~ 好得意架...kitty同daniel會互咀架!! 本來係"咩緊"抽到, 不過joey抽到自己o個份, "咩緊"就話同joey換, 我同joey講係我buy既, 佢以為我buy d賤野, 唔敢換, 不過最後都換左~ denise見到kitty但又唔係自己抽到, 扁晒咀, joey冇無奈地送左俾denise~ ummmm....唔得咁囉, 小朋友要教架嘛, 唔係佢話鐘意就辰俾囉~

玩完食完, 11點去左元朗唱k, 1點多d唱完出去松記食糖水, o個陣都兩點半喇, 仲係超多人呀~ 3點幾返去訓, 不過因為俾人激親, 碌到成6點先訓得著, 著到今日下晝兩點幾先圯身食野!