琴晚出左佐敦唱k睇波, 開頭驚唔夠人, 數極都係11個, 點知愈夜愈多人, 成16個, 房都迫爆! 不過後來因為俾$問題, 好煩囉! 拗拗拗, 有咩好拗呢? 閃佬出黎叫返我同alan入去, 不過最後未睇完波就走左~

琴晚又有人問我...你都好瘦下, 有冇48kgs? 搞錯, 邊有咁多, 41.4kgs之嘛! 都慣晒啦, 屋企人, 朋友, 同事, dd, 個個都話我瘦....我都冇辦法, 有食野, 肥唔到呀@

葡萄牙輸左, 閃佬都輸左一餐飯俾我~ ummm...食咩好呢... 另一邊, 都win左亞聰, 又多一支light利賓納, total有3支~ 今晚, 法國加油呀!!

=========

三小姐, 出到去自己要小心呀, 有咩事msn留個言啦~
你講得o岩...我都係因為呢個原因...不過...好似原地踏步咁! 講到尾, 我知佢錫我既, 可以o係一d好細微既事入面見到~ 其實講真, 我都覺得自己好幼稚, 真係好小事, 都會悔悔氣氣咁, 但過左幾個鐘或者訓醒覺之後, 就知衰喇~ 好彩佢知我咩性格...如果佢同我一樣, 咁就成得喇~

=========

over over... calling小強~

=========

亞姐今日遞左信, 去意已決... 死啦...死得啦...有一個o係上面隔住d煩野...死喇!

又一個星期喇, 呢個星期心情好忐忑...唔知自己想點... 06年過左半年得返半年, 又到07年, 日子一日一日咁過...好快... 其實點解要迫得自己咁緊, set死晒時間俾自己...我講既當然唔係工作啦...一直工作都唔係我要擔心既一個課題~ 如果我聽日就死...我會唔會覺得遺憾? 會呀! 點樣先令到自己冇遺憾呢? 點樣先可以真正開心?

琴晚法國win左, 又多一支light利賓納喇!

小強小強...勁慘, 俾人掟過INDIA兩個星期, D野唔o岩食, 日日肚痾, 見到張上身唔著衫相個肚腩好似細左喎~

唔記得拎的士單呀!! 大拿拿$90架!!!!!! 蝕晒喇!!!!!!!!

繼上次德國win阿根廷win左支light利賓納...琴晚差d輸返一支, 好彩佢加時先win!! 今晚再黎...都係一支light利賓納!! 法國加油呀!!

人係咪專對一d自己唔知既野特別上心? 因為太上心, 連平時少發夢既我都發一個咁真既夢...仲要喊醒! 醒左之後知道係發夢, 但諗返個夢, 居然仲o係度喊...係咪short左?? 我知...知得太多唔係一件好事...今次可能真係冇, 但我唔擔保唔會再有, 而係...我知道一定會再有! 咁...究竟點好呢? 信?定係唔信? 如果信, 當真係o個陣, 好hurt! 如果唔信, 自己就會不停去搵... 可唔可以簡單d? 專登去做d野出黎令自己得到平衡...而自己又唔開心...我諗我真係有問題! 俾以前d野困擾住...好辛苦! 一直都放唔開...有人問過我...過多十年, 八年, 你會唔仲記住? 我好肯定答...會! 只怪自己太多事...理太多人地既野... 我知, 呢d唔係叫聰明, 只係蠢o者~ 蠢到自己既事唔理去理人地~ 人地既野, 關我咩事? 你著緊人地又點, 人地咪一樣唔理你...

有冇人知我講緊咩? 究竟我諗緊咩? 我心情...唔會好你好多...

你自己都失蹤左兩個鐘! 點計?

唔好一句話冇心情就大晒呀! 唔係話冇心情就咩都可以做, 咩都唔理人, 唔尊重人! 下次問我去左邊, 點解去同人劈, 唔聽電話, 唔好問我點解, 因為我冇心情!! 呢個解釋幾好丫, 多得你教我! 話我亂諗野? 你問下自己做過咩先啦, 係你咁樣, 令我諗起以前咋!!

我地仲一齊為左咩? 我都唔係好知? 因為大家實在太了解大家, 好多野唔洗講都知道對方諗緊咩! 好似"獨家試愛"個結局咁樣好咩? 你有你玩, 我有我玩, 只要唔留痕跡就得喇! 好咩? 一齊為咩? 為咩o者? 我唔係你手提電話既一舊電呀! 鍾意拎出黎, 唔鐘意就掟o係屋企叉! 想見我就搵我, 一句心情唔好就可以解釋一切! 咁我呢? 我心情唔好可以點呀? 

呢件事...令我知道一個真相! 原來我唔係咁重要!