迷上世界盃tim...星期六日唔洗返工, 星期五六就日夜癲倒~ 本來諗住巴西會win, 點知俾法國打左出局!! 英格蘭先好笑...個個都係飛機王!! 星期五放下晝, 但都4點先走...5點幾返沙田訓覺...10點出到TST睇波...居然撞到年幾冇見既...4哥!!! 睇完波超多人, 又撞到個舊同事, 仲撞到FANNY! fanny係dd既舊師妹! 零晨3點tst冇taxi, 行返過ssp...行左成個鐘呀! 返到去DD仲可以睇多一陣波先訓, 勁呀!

琴晚都有去睇波, 睇左頭場, 頂唔順, 返上樓訓住等DD返黎~

===============

奇怪既係...點解佢日記仲有...唔通....唔想係囉...初步應該唔係...只係初步...

==============

三小姐...其實...你想點, 直接大家溝通下啦...佢係咪都有原因架??

琴日朝早返工, 一落車就落超勁大雨, 十分鐘既路程對鞋濕晒, 條短褲濕到上大脾! 返到公司換對拖鞋, 問女裝同事拎左條裙換...話時話, 雖然條裙唔o岩著, 不過又幾靚喎~ 12點落左去樓下倉買衫, 買左一件jacket, 一條短裙, 盛惠$110大元, ok啦! 夜晚7點走, 好早呀, 去左荃豐行左一個鐘, 買左小小野咁啦~

今日放上晝返下晝, 頭先有人上黎整電話, 原來係我間房個電話制壞左, 但我房個電話制係香港寬頻, 而我屋企既電話係pccw, pccw o個個人好好人呀, 佢幫我拖條新既電話線入我房唔收$, 原來要$200, 如果真係要$, 我都唔會整, 最多叫返香港寬頻整~

要整野食喇, 12點9要出門口返工喇~

食完飯真係好眼訓架~ >.<

今日mexx開倉, 我更係一如以往, 一樣野都冇買啦~ 跟同事落去玩下...又lunch lu~ 我見到liz有個hr, 12就已經o係度...搞錯...唔洗返工架咩? 大晒呀? molly今日唔知做咩...成日唔多出聲o係度計價, 聽聞想扮個嬲樣俾肥仔睇喎~ 不過...佢一同我講野就笑晒喇~

o係荃灣睇中左個harrods袋, 係罕有既金粉閃面黎架! 不過佢得返細個, 我想要大袋呀~ 邊個行街見到既打個電話話我知啦...感激感激~

諗住8點半有得走, 點知11點先返黎食飯, 好彩亞豆6點9捉左我落樓下飲柸野, 食左半個豬扖包~ 死仔, 等緊人地拎野過黎要我攝時間! 佢拎野上黎俾peggy睇色, 哈哈...又益我有餐食, peggy話食日本野喎~ 又日本野 -_-!

今日俾左macau d相peggy睇, 佢send返email過黎話... "睇你瘦到丫...", 但睇相我又唔係覺得好瘦咋喎... 磅下先~ 嘩...點解架?? 之前仲有96, 點解依家o岩o岩食完野得92架? 好彩仲未低過92 o者~

係咪清者自清就唔洗理人地點睇你呢? 本來就唔應該理人點睇自己, 自己覺得冇錯咪得囉, 你在乎佢點睇你, 就正正因為你在乎o個個人~ 我知亞姐你可以唔理佢點睇你, 因為你唔會再在乎佢點睇你.. 我? 依家都有你o個種感覺...

右手手臂有d問題~

套戲...兩日入面睇左3次~ 每個情節都令我諗起d野...做戲都有得做啦, 係咪即係話好多人都有呢d類似情況呢?! 5:33pm