今日難得一見有太陽...但有咩用?

兩個人一齊, 一定會俾以前既事困住, 開心唔開心都會記得一清二楚~ 亞寶同佢老公講大家已經冇將來, 佢老公就話唔講將來, 講以前, 問亞寶記唔記得佢地兩個點識...就係咁...亞寶就心軟, 原諒左佢老公, 雖然佢知道一次不終百次不用既道理! 兩個人心入面有條剌, 又點可以講求大家之前有信任? 原諒只會令對方下次更加謹慎...林嘉華同鄺美寶只係講出真相...

睇唔到波, connect唔到, 但connect到一套想睇好耐既戲...

喊...喊...喊...亞寶...其實我都係亞寶~! 個結局...令我諗通一d野!

第一日summer hr, 返下晝, 都要7點半先走! 其實唔係好多野做, file下email都成粒鐘!

===================

有好多野想做好耐, 但又懶, 一直都未做~ 已有target@

今日終於cfm左有summer holiday, 不過要編更表囉...十幾個星期五得4個可以放下晝...唉~ 一件簡單既事, 點解要搞到複雜化呢? 就算返足五日, d野都係做唔晒架啦~

點解你覺得我屈你既時候要我去證明你錯, 你可以調返事話我做多余野, 當我俾你屈既時候要我去證明我冇做錯呢? 口口聲聲話我應該知你係咩人, 你話你冇野, 但o係我心目中, 你都應該知我覺得你係咩人! 上次我認, 係我唔o岩, 所以我冇怪你, 你嬲我係應該! 但今次我錯咩呢? 冇miss call, 你又話響過, 我真係冇野講, 你係唔信既, 永世都唔會信, 我做咩都冇用! 你話我飲酒, 我真係飲左兩柸, 冇飲醉過! 原來我身邊所有朋友你都唔鍾意, 總之我出親去你都唔鍾意! 你講得o岩丫, 係我先可以激到你, 因為你緊我, 但...你係完全唔聽我講, 自己覺得係就係! 上次你話冇過澳門, 但唔知點解phone bill話你o係澳門打過長途, 有phone bill證明, 你都可以話冇, 要我自己去證明你有去! 打上台問, 人地都話唔會搞錯, 如果真係冇去, 明明俾人charge多左你都唔出聲? 係咪因為你真係有去所以先唔出得聲呀? 只有你自己先知! 到最後件事都係不了了之! 我唔會再同你再o係呢件事上再嘈, 有用咩? 我只係知, 我冇呃過你, that's all, 冇野我可以再講, 講你都唔會聽! 我最憎俾人屈! 我係冇接過你電話就真係冇接過, 睇phone record囉! 我一定可以拎到, 俾證明你唔係想要你對我改觀或者想你點, 我只係想話俾你知, 我冇呃你! 冇呃你, 怕咩冇你睇record!

又睇返以前d日記...發覺...曾經好多次俾我搵到d證明, 事實擺在眼前, 但你冇認到! 你係一個咩人? 都係一個死撐既人!

睇定d...唔好咁衝動! 過多半年再review!

世界盃開始喇...原來睇波都唔係好悶o者~ 上星期六9點去左dd 個fd屋企睇英格蘭, 11點幾睇完開始打麻雀, 3點幾又睇波, 睇到5點幾返dd到訓覺, 一訓就訓到第二日下晝兩點幾, 出去食完野, 見有d喉嚨痛食藥~ 點知.... d藥實在太勁喇~ 4點幾食, 8點dd踢完波返黎我仲死左o係張床度~ 不過9點食完野好小小又去dd個fd度睇波~ d藥足足暈左我廿個鐘, 上次又係咁...個醫生都唔知搞咩, 今次咁重手!

豆打黎話聽日食飯喎...我唔想再食日本野or打邊爐, 豆都係咁講~ 好啦, 打俾jane, 我話唔食日本野, 佢好快就話打邊爐~ 大姐呀...殺左我把啦~ 咁佢就叫我問terence喇! 搞錯, terence同你同一間公司, 仲坐妳隔離, 咁都要我問! 作死! 不過我冇問, 叫豆聽日自己問~

好眼訓呀...訓lu~