| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 7 日 星期六  |
不快樂的中秋節~  |
一心想做一點事情令你開心, 原來只是我的一廂情願... 街上很多人, 打的已用了40分鐘...到酒樓已是8時了... 一直板著面, 很不好受! 食完晚飯上新屋坐, 你一直睡覺, 10時半了, 你說走...回到家, 你換衫就入房訓覺...我想我是透明呃! 11點, 我自己一個人拿著4枝熒光棒去球場兒著小朋友玩...半小時後返家...你正在打機! 我沒有發脾氣... 你問我想不想去球場...我說已去了...你累, 休息吧~ 換過衫睡覺~ 到那時..我都沒有一聲差語氣, 終於...你開口了! 大家互相指責, 感覺很不好!
想講很久的話昨晚全都說了出來...當你忙, 很大壓力的時候, 常常把我當作出氣袋...我做的, 說的, 全部都不合你心意, 你自己永遠是對的...每次說話都要盤算, 盤算著是不是會不合你的心意又會不好語氣對我! 不可以從心所欲與你分享... 你有否發覺...你的脾氣愈來愈大, 比我兩年前很糟的時候還要糟! 不要用多事做及壓力大做藉口, 那不是你對身邊人發脾氣的理由!
有些事知道了但沒有說出, 希望你知道你做的是什麼, 很多事錯了不可能每次別人都會給機會...何況...並不是第一次!
知道嗎....你不開心, 身邊的人也不會好受...
很想知道你隔多久會看一看我的日記...隔多久才想知道我心裡所想~ 如果轉用email與你溝通, 你會不會好像回覆你朋友email一樣, 日日回覆我的email?
|
| 刊登時間︰2006-10-07 07:12 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 10 月 5 日 星期四 |
CHANGE~  |
今日第一次同dmm work, 發覺...原來佢做野都幾reasonable....講左d我同momo都冇諗過既野, 佢都唔係好差咋喎~ 睇定d先...唔好亂黎~
聽日中秋喇~ 又一年! 上年中秋做過d咩呢...唔記得喇~ 睇返日記....原來上年上左山頂, 仲要落大雨tim~ 今年...好似話bbq...
發現左d野...ummm....好似多事左, 其實都係好小事o者... i hope!
忙...成日都搵呢樣野做藉口...好悶...用d新d架啦~ 唔鍾意咁樣! 有=冇! |
| 刊登時間︰2006-10-05 11:45 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 4 日 星期三 |
打邊爐~  |
今晚同同事打邊爐, 傾下偈... 發覺...今日既情緒又好似回復左d, 冇咁嬲哦~
星期五放早, 4點~ 可以做下自己野喇~ |
| 刊登時間︰2006-10-04 11:09 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 2 日 星期一 |
| Lantau 9/30-10/2 |
星期五飲emily同ian o個餐, 雞都未食就走左喇, 要趕入貝澳~ 搭11點2班船, 10點8就到喇...好快~ 不過call唔到的士, 迫住等左成個鐘搭11點11車入去~ 本來去行鳳凰山, 不過天氣唔好, 落過雨, 轉左室內活動~ 最好笑玩射龍門...俾申茜同小林笑死~ 兩個勁黑仔...派親牌, d龍門成日冇痴埋, 就算龍門好闊都出晒界! hahaa... 玩到5點幾就訓喇, 第二朝10點幾食早餐, 之後開台, 打左7個鐘, 都係打左6圈...超慢...又"lum"莊~ 6點半起行出返梅窩食飯~ 食完飯去左沙灘影相, 玩下, 10點幾走~ 返到去佢地開台, 我冇打, 不過"登"腳, 幫亞聰食左鋪自摸十三么!! 勁!! 不過食完好驚喎... 我同小蘭一間房, 兩個都好驚...感覺唔好...叫左dd入黎訓我隔離先有唔驚~ 一朝早俾小蘭嘈醒, 佢6點幾就係到執野, d膠袋聲同電視機醒超嘈! 訓下醒下11點幾起身就執野走人~ 出返東涌食野之後返dd屋企~ 返到去我訓覺, 佢執相做功課, 8點出去食飯~
個假期...咁就完左喇~ |
| 刊登時間︰2006-10-02 11:31 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 29 日 星期五 |
Micky's wedding!!  |
今日micky結婚, 好開心呀...請左我地幾個同事去, 個個著高跟鞋, 我地全部平時返工好casual, 個個都著唔慣, 要bring對拖鞋o係公司著~ 一朝早其他dept同事已經知我地邊個會去飲, 話個個同平時唔同...hahahaa~ 5點半個個呢o係次所代粧, 好好笑~
7點幾去到, 影完相就開台...打左10鋪, 我一個win晒, win左$57! heheee...
開席喇~ 睇到micky同佢老公既vedio... 想喊tim >.< 食到10點幾...派相喇~ 係一去到影o個d相...效率真快!! 睇到d相有d搞笑野! 笑到碌地!!
stanley今日好搞笑, 著左件西裝襯牛記, 本來冇咩問題...但原來一早媽媽讚佢靚仔, 所以佢全日都冇除件西裝, even lunch, 落停車場食煙都冇除! 仲俾我同事發現佢o係個位開行風扇, 但點都唔除!! 散席時亞sam又讚佢靚仔, 佢即刻擺個"hill"樣出黎!! 救命呀!!! 走時見到梁經理 (micky公司個shipping, 平時有講笑, 吹下水), 撩我飲酒....不過我閃左~
後日到emily o個餐, 不過一定冇今日咁開心! |
| 刊登時間︰2006-09-29 12:46 AM [ 訪客留言(0) ] [ 編輯日誌 ] [ 分享至FACEBOOK ] |
« | 40 | 41 | 42 | 43 | 44 | 45 | 46 | 47 | 48 | 49 | ... | 108 | »
|
