琴晚睇newsgroup, d人話8月尾ox取消航班....死喇~ 點算? 今朝一早打去check, 10/7-25去布吉&10/11-29返hk取消, 我係10/26去, 10/30返, o岩o岩冇事~ 不過唔知佢為咩事cxl喎~

返到喇...打左俾你tim啦... >3<

sorry呀....今日發左你脾氣..不過...當時真係好嬲...加上你既態度真係好衰! 當時好想好想走左去, 不過又冇bring key o係身... 夜晚我煮飯呀~ 煮d好簡單...炒茶, 蒸蛋... 好彩都ok, 下次蒸蛋可以落多d salt~

星期一o個日頂唔順個頭, 好唔得...頭頂一餅野咁...放工7點半o彭o彭聲出cwb整返個頭! 今次電左, 當然唔收$啦...又幾ok喎...個個都話得...不過第一次洗完頭唔識整, 唔係好得~ 呢幾日終於舞得掂...hehee...幾好幾好~ 下次可以再電勁d, 因為今次傑唔敢電得咁勁...驚俾我鬧丫嘛~

聽日又返工喇~~ 唉..... 好彩佢地開會, 可以靜靜地做下野~

近排左腰後面有d問題...痛~

今日成個下晝做chart, 做完唔滿意, 又改, 改完又改! 痴q線! choice of wordings都要改, date個format又要改, d格大細又要改! 想點呀? 自己set既column title都改! 個客黎review outstanding plan左得20mins, 睇得d咩? 唔好玩啦! 咁樣我點追廠野呀?

stanley又收埋vendor俾我地組既10幾張mooncake coupon! hahaa...已經諗到方法點樣要佢嘔返出黎! 等我黎!!

分水晶梨事件@@ 又一cheap精!

handover得8款, 我自己本身跟緊一個season都40幾款啦~ 有幾多呀? 得10幾款on hand都搞唔掂, 唉...仲要晚晚做到10點幾, 呃ot claim的士!

琴日下晝又過左cwb整頭...今次係拉直, 好快, 坐左3個鐘多d, 又不過都係dennis整得好d~ 跟住去旺角康泰交尾數, 等左半個鐘呀!! 交完去左dd度...好累...訓覺~ 夜晚8點半出發, 去左山頂! 嘩...咁夜仲有咁多人上去~ 天氣都唔錯, 唔太多雲, 影左好多相呀, 個model都ok! hahaaaa...

今日10點半俾dd叫醒去食早餐, 食完返黎...再訓過~ 12點幾dd出去踼波, 我冇跟呀...好晒丫嘛...繼續訓... 3點幾dd返黎喇, 之後又出去city, 有朋友畢業, 我都係冇去...haha...因為懶囉...!! o係ssp hair下6點幾走lu...返tw食飯~ 行左tw land mark, 之前都睇過架喇~ 又係得o個幾款..有冇d新d架? 我想要深色呀!!

今既美女廚房玩布吉喎....好祈待呀!! 10月尾...去布吉!! yeah!!

聽日要早d起身, 早d返去搬竇~ 辛苦!!

今日成個下晝亞姐唔o係度...又要check呢樣check o個樣, 貨又走唔到....超煩! 走唔到貨...我真係控制唔到, 間廠唔生性, 可以點?

見到個新manager, 好惡頂呀! 打俾brian, 佢知係邊個...又係dkny d人! 亞姐plan左過年辭職...當佢知個manager 既為人之後...話12月頭會遞信! oh... no!! 咁我點呀?? 死喇!!!

屋企冇dinner~ 去左dd度, 買野俾我食~ 見佢好累呀... 佢話陪我返沙田, 不過叫佢送我搭車算喇~ 一齊食完糖水行去太子搭車...一路行一路傾下偈... 其實...只有呢d時間先傾到偈...