今次出玩左哈哈笑公仔.....好耐冇出現過~

上星期六去左aia carnival, 有小南子, Elaine x 2, el, tat & ven,

 搞下搞下都7點先到~ 有叫carmen, 佢都想玩多次, 不過佢忙d仲緊要既事, 冇跟黎~

 去到先繞埸一週, 玩完小遊戲就開始玩機動遊戲~

 唉….我不嬲玩遊戲都係超渣, 記得大前年去都係4哥幫我掟公仔返黎~

最激都係洗衣機同最尾o個個轉轉轉~
o個個咁既洗衣機…真實我都唔知佢咁激架…
成個人調轉左, 件衫仲返晒tim~ 嚇死人咩~
好彩開始時ven叫小南子除眼鏡, 如果唔係….眼鏡都唔知飛左去邊呀!!

到玩最後o個個轉轉轉…都好驚下…
因為之前玩左洗衣機, 太累喇~
到玩轉轉轉時…睜大對…嗌都嗌唔出!
玩完落黎超累….有d企唔穩tim~
Tat仲話唔太激, 梗係啦….你坐最入, 我坐開面呀!!

玩到11點散場…去左mk食野~
食完野elaine, el同ven去tat到打牌~
我同南, Elaine都返屋企~

1點返到屋企, online見到亞賢, 同佢傾左一陣,
講下紫微斗數…haha~ 好好笑~

琴日第二次見到有女仔訓o係佢張床...4年前第一之, 4年後今日第二次, 亦都係最後一次!~

原來你同佢講我地分左手一年! 依家我同佢都知道晒你點呃我地~ 講真...真係意料中事, 如果唔係我又點會咁決心要你還$$?!! 因為已經死心了~ 我都已經死心, 你再呃我都唔會有太大影響, 你同佢既野, 你鍾意點就點, 唔關我事喇! 不過真係估唔到你追個結左婚...準備離婚既女仔...仲要食煙tim~ 轉左taste...唔玩o靚妹玩少婦~ 連佢都話你同a小姐有野! 哈哈!! 不過....你tum人咁叻, tum返佢唔係難事丫~

但....真係估唔到你唔肯還$

d: 我想同你講兩句...
h: 好...你講啦, 想講咩?
d: 你上我屋企做咩?
h: 我唔需要向你解釋!
d: 要! 你未得人同意入人地間屋, 我可以告你!
h: 好呀! 不過告之前還返6萬蚊!
d: 有咁多咩?
h: 3年前3萬, 幫你交學費一萬, 布吉你撞爛水上電單車一萬, 股票+一千兩千細數, 夾埋6萬!
d: 你認為你可以拎返咩?
h: 咁你想還幾多?
d: 話俾你知, 如果要計, 我幫你整電腦, 你打我, 扣埋你仲欠我$呀! 你唔洗旨意....一個仙我都唔會俾你!
h: 好...我問你老豆攞!
d: 打囉, 我一早講左俾屋企知啦, 你估佢地信我定信你?
***收線***

咁既野都講得出....原來欠人$唔洗還架!! hahahaa~

琴晚多得jeff....真係好多謝佢! 不過最衰就係一定要搞喊我....我都話喊唔出架啦...哀莫大於心死呀! 不過...最後講完個電話, 講起我媽咪先喊之嘛~

用5年時間睇清楚一個人...時間你有小小長...但總算值得...

fai...其餘都好多謝你...o係呢5年入面你教左我好多野....令我eq高左好多好多...亦都教識我一個一直唔去接受既道理...一次不忠, 百次不用! 我以後會戴眼識人....唔會令呢5年學既野白廢!

都話架啦...一放長假就瘦架喇! 又新低喇!! 89lbs!!

好q累呀...玩到今朝4點幾先返, 但返到黎又唔眼訓喎, 可能因為冇飲過酒, 就算通頂都冇咁辛苦! 最衰亞昇啦, win左$又唔肯打庄, 被迫散水... 返到黎開msn, 肥仔賢叫我, 佢又一個beer+ing, 同佢講左一陣紫微斗數, 講下講下6點先訓~ 今朝10點醒過, 不過好快訓返~ 11點半俾個fd打黎嘈醒左~ 之後斷斷續續訓....好累呀~

我唔想同你嘈, 唔該唔好再騷擾我, 我想過返自己既生活! 你咁樣send個sms過黎, 真係唔知你想講咩, 拎左你d咩呀, 唔好亂講野! 大數+細數+股票=6萬! 我會俾時間你, 希望你一個月內覆我還$timeline, 唔好迫我行最後一步~

*********************************************

年年過年都有賭下$, 舊年去左camp, 同ec班fd玩, 輸左百幾蚊~ 今年就去左思敏屋企bbq+打牌+三公, total輸左3舊幾架~ 亞昇就勁喇, win左4千蚊!!

第一次bbq唔用燒烤叉而係就咁鋪d野食o係個網到囉~ 真係搞野到震! 成個巴西燒烤咁! 打4圈牌, 居然打左5個鐘都未打完, 8點幾諗住打埋最後3鋪去買野, 點知打到10點半都仲係最後3鋪, 最後3鋪足足打左兩個鐘, 真係人都癲! 結果過多一個庄, 仲有兩鋪10點半要封牌買野, 因為super market11點閂~ 真係俾老鮑笑死! 野野燒d野出黎都係燶既, 丟左好多~

第一次見到4嫂....ummm...好靜, 好小鳥依人.... 自問我唔係~ 原來亞昇有好多紋身架!

9哥都算唔話得...專登同我行快d....掩人耳目! hahahaa~~

其實係真架...有睇"我家有一隻河東獅"都知... 柳月娥點對佢個花心老公, 到最後, 柳月娥心死了...飲左忘情水, 從此所有有關陳季常既野都忘記得一乾二淨, 再唔會傷心! 柳月娥肯飲忘情水, 因為佢對陳季常既心死了...

***************************************************

其實我已經知道晒, 點解你仲要講大話? 我今日問你最後一次, 真係想俾機會你講真話, 但你冇講, 依然選擇講大話~ 你唔覺得講大話好辛苦咩? 你依家用好多個大話去蓋住你o個個大話~ 同人地出街, 要熄電話, 要講大話話返左大陸, 你唔覺得辛苦架咩? 同人睇演唱會, 睇戲, 行街, 食飯, sms, 情人節禮物, 好多好多... 每次做都要講大話作一個古仔出黎, 睇見你都辛苦~

話人地對你有表示先, 話人地同你講對你有好感先....唔好玩啦, 我唔係3歲細路喇, 仲信? 人地都話你一路以黎做咁多野出黎都係佢想要既野... 仲話唔應承你太多, 但會去做佢做到既, 希望你明白! 講到出晒面啦, 係你追人地, 人地未接受你咋! 仲話想同我結婚? 想約我亞媽出黎傾? 我唔會同你癲囉!

都咁多年啦...你想點, 我仲唔知咩! 咁多年黎既模式都一樣, 你做d野出黎, 講d野出黎為左咩, 你估我唔知架咩~ 5年喇...太了解, 亦都太清楚! 個心係唔舒服, 主要唔係因為你做左d咩或者講過d咩大話, 而係...你到最後都唔認! 你做d咩, 基本上我都唔會再喊...已經冇感覺~

我唔知你會幾時睇到我今日o係度寫既野... 我都希望你會睇到, 你睇到後, 請唔好再搵我, 唔好再sms我, 我唔想你再騷擾我! 除非你想話我知你會幾時還錢先好搵我~ 我唔希望再有你o係我黎緊既日子入面! 你同你d朋友講我咩, 唔理喇, 講到尾佢地係你朋友, 唔係我朋友, 我同佢地都唔會聯絡, 你鍾意講咩就講咩啦~

我之前都有send email俾你希望你還返5萬俾我, 因為呢5萬係我真金白銀借俾你而你又講過會還既~