小米似我咩? 唔係好覺喎... "等到...佢有一日唔再花心, 而我對自已有信心o個日~"
其實佢地大家都鍾意對方, 一切在於小米! 有小小...umm...無謂~

其實...冇得講...唔信就係唔信...不停同自己講要放手...好多朋友話我on居...但...我就係我...可以點? 如果可以放既, 一早放放左啦! 不過, 有一樣野係事實....我見唔到有將來... 心淡感覺愈黎愈強烈...

好迷茫...不過...我知係自己攞黎...

係咪應信呢? 唔知...
係咪應該放手? 唔知...
係咪要當咩都唔知? 唔知...
係咪應該.......... 唔知...
一切都係......唔知...

有同事話生日快樂唔好睇, 不過亦有人叫我去睇, 話我似劉若英, 對自己冇信心...

今日發生左件事...
你送我返沙田, 搭小巴途中, 你有sms, 仲快速睇完收返落袋, 我問你係邊個, 你話係15樓結左婚o個個~ 11點send sms叫你夜d打俾佢! 我覺得...有冇搞錯囉! 第一, 如果係冇咩特別事, 唔可以聽日返公司先講咩? 第二, 點解要咁鬼鼠, send sms叫你打俾佢, 而唔直接打電話? 第三, 佢結左婚, 有埋仔, 仲夜嗎嗎send sms俾男仔叫人打俾佢, 點無聊都唔會卦! 唔見ling yu係咁! 如果唔係我發脾氣, 你會落車打俾佢俾我聽你地講咩?

我唔信你, 都係你搞d野出黎令到我唔信! 我認我係對自己冇信心, 點解你唔可以俾多d信心我? 唔好成日話我亂諗野, 如果冇事好地地, 我會咩? 唔好成日話我只係記得以前d唔開心野, 如果冇以前d事, 我會咁咩? 係你欠我架!

有為自己將來諗過... 有人話我就算同第二個一齊, 都係會唔信對方! 但係...起碼佢冇對我唔住...我唔信佢, 自己亂諗野, 真係自己抵死! 但依家唔係....

近呢兩年, 身邊個個都話結婚...每次去飲都俾人問... "你地都好耐喇喎, 仲唔結婚?" "幾時輪到你呀?" 呢d問題...好厭呀! 點答呀? 唔想再去參加婚禮!

三小姐...咩唔係通常到最後會簡一個愛自己多d o個個咩? 人大了...思想都會變, 我都覺得自己已經唔再停留o係幾年前既思想, 畢竟都就黎26歲了~ 有人叫我唔好咁執著過去, 現在同將來, 佢話如果o個個人玩完仲識返你身邊已經好好....但我覺得呢d係bull shit! 絕對唔同意玩完識返屋企叫好囉! 點解我唔去搵一個同我思想看法一樣既人, 識得專重我既人? 我咁樣叫要求高嗎? 想自己開心唔o岩咩?

其實真係幾難簡...
簡一個你愛既人, 每樣野都為對方附出, 但收返既可能係零。
簡一個愛你既人, 你會每日感受到被愛, 但...你真係愛呢個人嗎?
如果兩樣可以取得平衡, 你話幾好呢~ 呢一刻如果要我簡...我會簡一個愛我既人...可能呢個人唔係我既最愛, 但我同得佢一齊都唔會討厭o個隻~

上個星期好平靜, 都冇咩事發生, 同manager既關係同相處方式有d軟化左~

星期四收左salary adjustment letter...加得ok啦, buying office黎講都已經叫好好了~ 收信後, 我同carmen離開mexx既決心...有d動搖...! 有d擔心...以我既exp...出面會唔會加多幾千蚊請我做senior...

三小姐...記唔記得舊年同你討論過出左double pay之後俾幾多屋企... 今年冇得走...上年宦話未做陪一年, double pay得一個月, 有藉口唔洗奉獻咁多... 但今年做夠一年, 兩個月double pay收晒...! 我計過...俾20k(including平時每月俾開既家用)先唔會有黑面既對待-_-!

星期六去左ky新office...好靚...好光猛...個showroom好似boutique咁, 掛晒d衫出稷, 分晒唔同color tone, 中間有幾個假model...好得! 下晝去左太子行街, 行到條腰好鬼痛! 之後返ssp抖左一陣之後去澳海城睇movie - 戰火旗蹟! 都ok啦..睇到around10點, 睇完食糖水, 睇左半出"依莎貝拉", 好睇訓...入房訓~

今朝dd要踢波, 佢10點幾嘈醒左我, 我繼續訓...訓到佢踢完波1點半返黎...hahaha~ 3點先出食野, 4點返屋企, 我又去訓, 訓到7點半! 勁! 訓醒睇model, dd執野, 搞到10點先出去食野, 食完野dd同我搭車返沙田, 之後去小林屋企睇波~

聽日manager day off, 要自己同director開會呀! 講貨期...oh no la...!

上個星期簡直係癲左!! 星期一至三都喊過...實在太辛苦...!! 個dmm好q煩, 我日日發佢脾氣, 但我知佢表面係忍緊我... 份cv update左, 收埋封加人工信就掟份cv出街搵工~

個dmm好過份...居然o係director面前屈我, 好彩director知咩事o者! 上星期molly last day, molly, carmen同我o係toilet喊件事傅左入dirctor間房...之後hr捉左我同carmen傾偈, 仲叫我叫忍耐, 話managment知發生咩事, 睇得好清楚, 將會會一d野, 但做d咩同幾事做唔講得喎... 我&carmen同hr講...就睇下佢地take action快, 定係我地take action快囉~

個dmm...都唔係做野, 咩都話check, 但佢叫check o個d根本就無聊! 個客話件jacket袖位著上身有foldline, 大佬呀, 件衫摺左廿幾日坐船過去, 一定有架啦! 佢居然叫我check廠, 大貨可唔可以唔iron對袖! 佢都白痴架!! 唔上呢單, 實在太多白痴野! 佢點到carmen飛起, 搞到carmen要問我俾cmmt, 之後reply個客! d印花color, 佢居然叫carmen對個artwork上面d顏色!! 大佬呀! 我地有一set color standard對色架! 個artwork係睇個印花樣, 唔係睇color架! 唔同printer print出黎既artwork都唔同色啦! 依家仲搞到個mill唔同我地做生意! 好...大家攬住一齊死!! hohohoooo~

星期六dd要返工, 本來佢話放工去圖書館, 不過都估到佢懶, 唔會去架喇! 果然3點就返黎喇~ 訓左一陣去左星河dinner~

今日dd11點彈左起身, 12點半佢入黎摷我起身, 出去食完野佢去踼波我返屋企~ 傾左陣電話睇下電視5點dd黎黎, 夜晚去左ssp打冷, 食完左睇電視, 訓左一陣就搭車黎沙田~

訓lu...早抖~