4 may (fri)
放工o彭o彭聲同ki返屋企食飯, 嘩...食左超多飯呀, 好彩媽媽煮d餸ki都o岩食o者...條友仔...咩都話唔食!! 食到9點多d出左街~ 去左惠康買左好多叮叮野食, 仲有雪糕, 薯片! 仲有租左dvd - <墨攻>! 不過夜晚冇睇....實在太眼訓喇~ 12點幾訓lu~

5 may (sat)
今日本來6點3醒左, 再訓...9點幾又醒....再訓...11點幾再醒~ 出左廳睇電視, 睇左一陣又訓, 訓到12點半起身, 再出去睇電視! 太好了...又有人整野我食~ 食完野睇<墨攻>, 睇完<墨攻>hea左一陣出街~ 去到佐敦nokia都7點半喇...有火車又唔搭, 搭巴士, 慢到死! 部電話要聽日先有得拎~ 話時話, 我電話影相function都壞左...等緊k810i!! 去完nokia去食野...有人埋單時玩人囉...超賤! 都係我累左佢, 我讚佢靚仔...不過都唔好專登玩人丫...人地無辜架>.< 食完野去美麗華商場行, buy左兩件polo tee...hehee...又係情侶啤啤既時候喇~ hahaaa~

近排做左大食精...食好多野...又好快肚餓...成日都想食雪糕! 肥死啦!!!

仲有好多野未做...未買手鐲, 又未買鞋呀!! 對鞋睇左好耐架喇!!

********************************

真係覺得星期5晚o個個電話好多餘...諗咁多把鬼咩...
都解決唔到架啦....咪由得佢放埋一邊先, 遲d再傾囉~

本來放工去MK, 不過ki話去佐敦....但到最後, mk同佐敦都冇去, 電話又冇整...去左新田圍同ki媽媽, ki大舅父&ki細舅父打牌~ 頭4圈ki打, 中間4圈我打, 11點9我走左, 都好方便喎...有82m, 85a, 仲有小巴返愉翠苑~ 我走左後ki繼續再打4圈...1點幾ki打黎話已經打完....超快呀!! 因為今日5點先食tea, 放工一d都唔肚餓, 陪ki打左碗麵就走喇...點知打完牌返屋企肚餓...食左一隻叮叮糯米雞~

今朝好好笑....10點幾ki send個email過黎...話apple daily影到我team一個同事buy六合彩.... hahaaa...我呢d咁既衰人, 梗係第一時間上網save低張相加埋print出黎啦!! 仲要係color print!! hahaaa~ print左出黎後queenie貼左o係brian個mon度 (brian今朝11點幾先返, 過左poly聽野~) 仲要o係張相度寫"尋人"...笑死我!!

今日亞姐又提喇....佢問我係咪專登星期一放假整爛隻手鐲~ 呀...人地已經好唔開心架啦....仲咁話人地~

補返ocean park d相先~~

1 may (tue)
簡直係不可思義!!! ki9點鍾打黎!! 連續兩日咁早打黎!! 勁呀!!
朝早10點幾同媽媽哥哥食早餐, 食完hea下hea下, 12點多d過到ma on shan...hea左成個下晝~ 夜晚食埋飯先出去又一城睇spiderman 3~ ki媽&ki爸都幾搞笑...搞到我面紅tim 
食完飯去左新城市, 本來去muji買野用左$100 coupon 同去haagen dazs食雪糕用用埋$50 coupon, 不過....原來我冇bring!!睇完戲都成一點了...冇火車, 搭左bus~ 搞下搞下3點先訓~

2 may (wed)
近排成日行街...mk, 又一城, 沙田新城市...行左好多次, 但唔知點解次次都好似有新野睇咁~ 從前以為自己唔鍾意行街, 覺得有野買先要出街行, 先會出去買野, 睇野~ 仲要係已有target, 不是冇目的咁行~ 就算出街, 都喜歡自己一個, 已認定鍾意自己一個行街~ 但今天忽然發覺...原來我都幾鍾意行街睇野, 買野...亦喜歡有人陪我行街~ 或許...當找到適當的人選, 當大家的興趣相近時, 做什麼事已經並沒有關係了~

ki個電話又壞左喇~ 放工一齊去mk nokia~ 5點半已經做晒d野, 冇o係公司等ki, 6點半走左去荃灣廣場麥記坐低打機~ ki7點半先黎執返我~ 去到nokia都8點lu...o岩o岩閂門, 不過都鼠左上去拎飛...但係實在太多人, 想等死我咩~ 決定明天再去過, 如果ki又係遲走, 唯有我走先幫佢拎去整, 佢放工再黎執返我啦~

今日buy左條levis 501...都ok架喎~ 一個字..."型"!! 再行波鞋街諗住買鞋, 睇中左兩對童裝, 最大有35-1/2, o岩我架...不過冇晒碼~ 最後決定buy adidas, 明明之前見到有一間平過運動家, 但又搵唔返喎...明天再行過~ 哈哈...明天又係去mk!!

行完街食雪糕, 去haagen dazs食雪糕!! 我食cookies & chocolate, ki食cookies & cream...正爆!! 食完搭火車返屋企~

居然...o係返屋樓下入閘處....俾人撩 >.<! 有個人揸架van仔入閘, 申個頭出黎望住我笑, 仲好大聲叫: "我叫阿榮呀!" 之後架車一路行, 佢一路申個頭出黎, 仲另轉晒個頭望住我~ 當然我冇理佢, 亦都冇應佢啦!

記錯左? 咁點解會buy? 不過我好肯定佢已經跟左我7年!

今日去左ocean park~
居然係ki打黎叫我起身...真不可思議!! 其實佢未打黎前已經醒左, 不過佢叫我9點3先叫佢起身, 所以先冇打俾佢o者~
10點join埋去大圍中旅社buy ocean park ticket~ o係大圍食完早餐, 去到都11點lu~
去o個時有少少雨, 勁驚... 好彩去到冇落o者~ 媽媽打黎...衰衰咁問我ocean park o個邊有冇落雨...梗係冇啦!!
玩玩玩...玩到6點幾走lu~ 去左tst食壽司....食完行左一陣, 去新港中心cpu睇下有冇我想buy o個條501~ ohhh....得返26腰, 我要起碼28, 29... 唉....唔開心呀!! 第二個洗水既501有27腰, 都ok fit, 不過都係想再大d size, 最後都冇買~

琴晚戴先生兩點打黎...佢話睇晒我日記知我拍緊拖..
好記得你講, "你依家拍拖, 唔好害自己害人地!" 唔該你講野之前諗清楚你想講既野!!
你既事我已經唔想再知...我開唔開心亦都唔須要向你交代! 我想過返我自己既生活! 你話07年4 月30日係我地真正完結既日子! 真好笑...o係我心目中, 我同你o係07年2月3日已徹底地完結啦! 唔尊重我既人...唔會得到我尊重, 我亦希望你自重!!

28 april (fri)
慶jane生日, 去左tst譚魚頭打邊爐, 之後去創興neway唱k, 3點幾返左屋企~

29 april (sat)
訓到12點, ki過黎同我lunch, 之後睇林9~ 夜晚去左馬鞍山廣場dinner, 跟住去左ki屋企hea~ 本來話打牌, 不過最後都冇打~

30 april (sun)
訓到12點半起身, ki整野俾我食..hehe~ 食完...梗係又訓過啦~ 我訓覺, ki打機~ 訓到5點半, ki起身執房, 我返屋企~ 8點一齊出去新城市buy copper jeans~ yeah yeah yeah~ 情侶pair pair copper jeans 11點半返到屋企, 坐o係樓下公園傾偈...

唉...好唔開心呀!!
今日下晝訓醒覺落床...張床太高喇...要扶住個房門跳落床~ 點知...隻手鐲勾住房門後面掛衫d勾...一跳落地, 隻手鐲夾生扯爛左, 手腕兩邊仲紅左!! 呀~~~~ 隻手鐲係我出黎做野, 第一次出糧時買俾自己, 跟左我7年喇...佢冇離開過我架, 因為除唔到~ 超唔開心呀