今日12點o係公司出發....頂....成3點先去到食lunch!! 之後開會....開到7點先走~ 返黎睇下寶珠姐o係邊, 諗住見下面, 佢搭緊火車返粉嶺屋企, 咁我就o係上水等佢去撐台腳...好耐冇見喇...都係有講唔完既話題~ 好開心呀!

近排炒新股炒到癲左...有一隻已經放左賺$3000, 仲有2隻放左o係度等佢慢慢升...另中左一隻今日掛牌, 不過返左大6冇睇到個市, 仲要12點時打俾ronnie諗住叫佢報價我知...原來佢今日上機...唔記得左tim~ 返到黎睇下隻野升左幾多...嘩...勁呀! 升左73.78%!! 加油呀!!

dd琴晚同今晚都去左connie度...今晚仲話要2點....oh....累死了~

星期五anual dinner, ok好玩啦, 不過抽唔到獎囉~ 今年玩得好夜...搞到11點幾, 仲要o係機場富豪....好q遠!!

星期六11點幾先起身, 兩點幾出去旺角行左一陣, 太凍喇...返dd屋企... 佢上晝要返工, 下晝去左灣仔game show...ummm...6點先返黎 >.<! 張文打我電話搵佢喎...哈哈~ 訓左一陣, dd出去搵張文~ 死野...等你買野返黎我食架嘛....12點先返...餓死我! 打打!!!

今朝明明9點醒過....好似冇再訓著架喎....點解再望個鐘會係12點架!! oh...no~ 好晏喇...要起身食野喇~ 食完野返黎都成點半喇! 睇下電視, 4點又碌入房訓覺, dd打機... 6點半返荃灣食飯~ 9點半d去左小林度睇波呀...依家都仲睇緊...咁夜....聽日返工實遲到啦~

聽日又放假...不過好多野做...要出街買聖誕禮物俾同事...都唔知送咩好....唉....好煩!

忍唔住...終於睇左e生喇~ e生話唔好照喎...因為我係女仔, 又未生過bb, 照x ray始終唔係咁好, 叫我食左藥睇下好唔好d先~ 今日下晝食左一次, 又真係好d喎~ 不過carmen話食藥會好d, 不過唔食一樣會痛架~ 食晒d藥再過多幾日, 仲痛就要照架喇!

勁呀...馬拉松式講數! 足足3個幾鐘!! 亞姐上星期五辭職, 今日manager搵佢傾偈, 哈哈...亞姐又同manager講我同carmen overload! 講就講左喇...佢想點...睇下佢同我講咩先啦!

過多半年就搬左....又可以見返...你...地喇! hohoooo~

三小姐...旺角d煲仔飯不是十分正...去廟街啦...又可以食埋蠔餅~ 等你honey返黎捉佢去食啦...過幾日天氣又凍喇, 正晒啦!

明天vendor請去和民lunch!! 正爆!!

行又痛, 訓又痛...跑都跑唔到....想點呀!!! 做左傷殘人士! oh...no!!

星期六食完早餐出去ssp, dd要去connie度做野, 我上到去睇下電視, 上下網, 3點幾佢居然返左黎, 不過話拎部notebook去connie度喎~ hair下hair下, 條友仔又冇出去, hahaa....都係訓覺~ 兩條友訓到7點, 佢要去connie度, 我去新都會行住等~ 9點出返旺角食煲仔飯~ 11點返屋企睇下電視就訓喇...佢...梗係又打機啦~

今朝10點半出去m記食早餐, 返到去都係11點多d, 睇電視, 12點...又訓過! hahaa~ 我訓到3點半呀! 勁! 6點d同我返入沙田同老豆媽咪食飯, 目到茄周兩公婆同bb, 佢地同朋友食飯~ 我地食到8點多d就走喇...

三小姐...你既生日太易記喇~ 有邊個會唔記得架!!!

抽到1 手中通...好叻呀! 今日4蚊放左, 不過好多人話佢會上5蚊, 不過好滿足啦....賺左唔少喇~

7點半仲話訓一陣先返學, 睇你都係唔返架啦, 咪買野上黎煲粥你食囉~

有人送野, 點解要收埋? 唔見得人? 正常既....俾我都會~