好q煩呀!! 日日返去追追追, 呢個追o個個又追, 追完未呀? 我有我同d廠開火, 另一邊亞姐又同辨組開火, 日日都新鮮刺激, 日日有新話題!

上星期四發癲! 終於同亞姐講左幾個月黎屈埋o係心度既野, 一次過講晒出黎!

星期五annual leave, 去左睇movie, <極地雪犬>, 好好睇, d狗好乖好聽話~ 其實每個人都唔想做D野出黎令到自己後晦~ 當事情發生左, 解決係最重要, 但如果真係解決唔到, 冇得返轉頭, 咁就要做D野出黎令到自己釋懷, 而o個樣係咩, 我諗只有自己先知喇~

呢幾日, 日日心情都唔好...

日日打黎問我好d未...ok啦, 不過病左囉, 要下星期先約到喇~

又改左? 好玩咩?

日日返工好似打仗咁, 每日都有好多突發野要去解決, 搞到plan好要做既野全部做唔到...

今日有個好耐冇搵我既人打黎, 又係講o個d... 好煩...每次都有目的!

琴日收到個email, 咁多年都仲用緊呢個地址, 見到kitty野都會send俾我, 下星期六係你生日, 希望你過得開開心心~

點解呢? 成日都話只係睇依家, 點解我好地地o個陣你走去搞第二個, 叫你唔好搵, 你都仲要搵, 仲日日一個MORNING CALL! 好啦, 你自己有野煩緊, 唔得閒搞咁多野o個陣, 你又黎話我! 話依家你聽話, 我要聽你話! 你話我o係度計住, 但其實係我問自己點解要聽話? 搵緊理由去說服自己聽你話, 但原來好難搵, 我叫你唔好搵, 但你都瞞住我去搵...呢d可以唔記得咩? 做咩都好, 要人地跟隨你做既同時, 先問下自己點對人先! 如果凡事都話唔好計以前, 過左去既唔好提, 咁就冇野值得提醒啦? 過去既野係用黎提醒自己架! 咁係咪話即係你同第二個有野, 但已經係琴日既事, 已經過左去, 咁我都唔可以再提, 唔可以嬲, 唔可以鬧, 因為已經過左去? 如果係咁, 假若有日你搵唔到我, 原來我同第二個出左去, 第二日先話你知, 你都唔應該嬲啦, 因為事情已經係過去式! 你估你係咪可以當冇事丫? 用塊鏡照下自己, 你會發現如果人地對你既態度同你對人地一樣, 你都係唔可以接受架咋! 究竟你係天秤座定我係呀? 我只係要公平o者~

今日annual leave, 下星期五同再下星期五都係, 仲有1/2日要今個月放埋...幾時放好呢?

近排工作好唔順利, 成日俾個客claim, 又走唔到貨, 走左貨過去一係claim back, 一係就packing有問題....點搞呀? 又有新老細, 麻麻煩煩!

三小姐...我夠想冇過去啦, 但如果真係冇, 會唔會又嫌太過平淡呢?

唔知做咩, 一起身就嘔, 嘔完冇咩, 不過都係唔返喇~ 個胃好唔舒服... 成日訓左好多~

冇緣啦...你今日過黎, 但我又病假, 不過...仲嬲緊囉, 見到都係唔睬架喇~ 瘟神@mexx!!

都話架啦...咁八掛做咩丫...知咁多真係好唔開心! 估唔到2月14你都有send sms俾佢, 1月1, 過年都有...仲傾過好多次電話...

琴日去左cwb, 同dd去還返馬拉松個晶片, 之前去壽司亭食野, 食完野返mk join埋亞bun買電話~ bun & dd一人買左一部dupod818 (唔知有冇串錯>.<), 我埋左一部w800i, 雖然w800i出左好耐, 但依家我買$3000唔洗, ok啦~ 下個月轉台用返smartone~ 夜晚同dd & 張文去左大角咀dinner~ 返到去dd試我部電話, 搞到兩點幾先訓~

今朝訓到12點半先起身, 訓醒dd繼續試電話, 我就睇dvd, dd叫開西遊記, 心諗...又睇? 唔係嘛?? 但睇睇下...睇到眼定定o個個反而係我囉~ 兩點幾join埋亞馬食野, 之後過左中央圖書館隔離, dd踢波呀~ 見到有人踩左佢一野, 勁驚佢又受傷, 好彩冇事~ 6點踢完7點半去德福食飯, 係三哥上個月擺酒剩左o個一圍酒席~

兩點幾peggy打黎...勁喊o個隻....佢話摷到男朋友個袋既暗格有隻介指, 同佢o個隻同一系列但唔同款, 仲有一秋不知明key... 叫佢唔好咁衝動...睇定d先, 依家未有證據, 唔可能亂黎~

夜晚好大風, 有幾滴雨tim~ 著多件衫呀~