去完台北之後都冇寫過日記喇~ d相都仲未整...超懶... 台北行...o係hk airport見到kelly, 比我心目中矮喎....o係淡水, 又見到solar兩兄弟, 都幾靚仔丫~

今日有4個同事唔o係公司...irene病假, eunice, lily同cindy去左澳門同珠海...不過我地依然好嘈...janice仲成朝講電話tim..大家都好得閒~

queenie o係我去完旅行返黎同我講..."如果你去6日, 對足ki6日都冇鬧交, 我諗你地可以結婚架喇!" 哈哈...估唔到佢咁講喎~

今日去post office拎左eason喇...

今個星期...玩上網訂演唱會飛, 琴日只係訂劉華, 都訂左3轉喇~ 今日諗住訂城城, 不過加場聽日先訂得~ 仲有jay, 不過冇晒平飛lu, 冇訂到~ joey出年1月都開呀, 11月頭credit card優先訂飛, 要用aig信用卡....冇喎...要問人借喇~

兄弟上左喇...下星期二睇, 星期日訂飛先...平d丫嘛~

無錯!! 我日日返工都係做d無聊野!! 聽日要訂城城~

琴日ki返左大陸, 下晝下俾我話想開台, 夜晚9點返黎, 不過最後都係要11點先返...11點開波, 打到今朝5點幾, 6點先返到屋企....好累呀~

9點9鬧鐘叫醒, 10點半出去alice度拎個唿, 之後同媽咪食早餐, 返屋企再訓過~ 1點ki打黎...起身執野...睇埋醫生買埋野食去到河畔都兩點lu~ 睇左ki打機一陣...頂唔順...又訓過~ 訓醒7點幾, 洗埋衫, 同ki執埋野出去新城市意粉屋食野, ummm....沙田呢間好唔得!!!

聽日出發去台灣喇...19號先返黎...heheee... 朝早8點機, 要搭a41第一班車去機場, 依家要訓覺喇~~ 早抖~~

notebook病左兩日, 又夜返屋企...冇online兩日lu~~ 好彩今晚俾我搞返好o者~

個客黎左...好q煩...搞咁多野做咩丫, 做咁多預備功夫, 一d都冇用, 一早都話帶佢落布行等佢自己揀架啦!! 今日同個客去左福田, 搞到5點, 送個客返hotel就走lu~ 不過janice同另一個客返公司, 真係慘~

今晚去左新世紀食壽司, 之後行左一陣去睇 "色戎"... ummm...麻麻地...如果冇左o個幾場床戲, 真係一d都唔好睇囉~

kiki同lingling...真係...hahaha~~ 實在....太有緣喇!! 話說我o係tst搭mtr去mk, ki o係長沙灣搭mtr去mk, 我去到去搵熙邊個出口出o個陣, 居然同ki面對面咁撞到... ki電話冇電, 去左兩個電話亭, 兩個都壞左, 離遠見到個電話亭行過去之際....就見到我...haha~ 真係笑死我...咁大個地鐵站, 又咁多人都可以撞到...真係冇得頂!!

幫ki submit update personal data form去hr改地址, sharon同ella真係搞事, 勁問我地兩個地址係咪一樣...激死!!

整直左d頭髮...個個都話唔襯我...因為我係佢地心目中既形象唔係清純囉~ 車....我以前個頭都係咁架啦...係佢地未見過之嘛, 俾左一張以前直頭髮相brian睇...佢話 "嘩...真係好唔同喎...."

聽日下晝又要湊客喇....好累.... =_=!

今朝10點醒左, hea左一陣媽咪打黎叫飲茶, 三叔同4叔過黎喎~ 11點幾, ki話去左威爾斯, 原來佢媽媽唔舒服, call左999叫白車入左醫院~ 一點半買mc記去醫院俾ki同ki爸食, 等等等....搞到6點幾先走...不過ki媽不停話暈, 返到屋企又嘔...夜晚起身食野又嘔...

聽日ki約左人...其實之前聽佢講電話都知, 不過佢又冇講, 如果唔係我就一早book dennis啦~ 唔知聽日book唔book到tim架~

ki拎左架單車返黎喇, 咁佢就可以夜晚車lingling返屋企喇~

今晚同你傾左一陣偈...討論一個問題...其實我係咪阻住你, 搞到你冇晒自己時間呢...
依家同你, 日日一齊返工, 一齊夜工... 試過自己一個放工返屋企....唔知點解, 覺得好迷茫...

我覺得自己變左喇...我唔知自己應唔應該變...又或者咁講...我變既步伐, 究竟同你拉近左距離, 定係我愈走愈遠呢? 同你傾完, 可喜既係...我同你之間仲未有"厭"既感覺...好驚...成日好驚阻住你, 但我又真係想痴住你~ 我真係未試過痴身痴得咁犀利, 我唔知呢個究竟真係我自己, 定係你改變左我~ 可能你講得o岩, 其實我真係一個好痴身既女朋友, 只係以前既男朋友, 我想痴, 係佢唔俾我痴...

半年前我可以好型咁同你講, "如果你想做自己野, 你同我講就得架喇~" 但係呢一刻, 我唔會再咁樣同你講, 因為好怕, 好怕你真係會同我講你想做自己野, 要我自己搵節目... 你頭先講, 叫我聽日o係屋企等你電話, 因為你想訓晏d...我諗, 如果係以前既我, 一定會亂諗野...不過依家我冇亂諗, 只係...我會唔開心, 係因為, 我好想痴住你, 就算兩個人o係堅企冇野做, 都一樣開心...

你俾左屋企key我...咁我聽朝就唔洗叫你起身開門嘈醒你啦^^