幾日無打到日記啦,Sor~~各位,我去左我個fd屋企住啊,呢兩日個人都好累,夜夜都成四五點至睡,搞到出哂豆豆!慘啊!黎緊4號,6號都好節目,唔知有無人陪我呢??

• 今朝一早起左身,好好無聊,咁唔係係道諗野囉.諗到做人點解咁鬼空虛,讀書為咩啊,咩為左你日後方便出黎搵野做,拍施為咩,結婚!突然間我好唔想做人,我係道諗自己係唔係有地唔正常啦!我快瘋啦~~~!現家我好辛苦啊!

®琴日一早起左身,好趕時間,快快咁煮早餐食,煮到我出哂汗,吃完就走人,去TST上course。我未去到之前我就知道,我今日唔可以再好似琴日咁,上堂撞下撞下咁,無理精神,又浪費左自己既時間,又學唔到野,咁既話不如係屋企繼續睡好過,咁我就諗我學呢個course為左咩,有咩推動力,令我唔可以睡著,我知道左自己,以後既出路,我人生既路點行,做一個有錢人,定窮人,就好睇我自己啦!睇我今日上堂聽到幾多,又可以用翻到出黎!咁我就下定決心,點都唔可以比自己睡,果然我真係無睡到,總好集中咁聽!到左下周,我地唔係以聽課既形式上堂啦!轉左做games既形式黎玩!我又感受到好多,學識左做咩都好要團結,同心合力。最重要既要定力強,就算自己識左,都唔好急,用自己冷靜既頭腦去分析,思考,總一步一步咁做好佢!咁樣你就會踏進成功既一步! 我地香港人成日都係一種不思進取既狀態,好多野,以為自己識少少就好叻,你問到佢果時佢又好囂張,唔教你!其實自己得果半桶水!同現實既社會總有段好大既距離!現家開始,香港好多野,都比一地發展中既國家追趕!由其進步最大既就係中國!佢地點解會特然間起咁大既改變!係因為佢地成日都俱有一種特質,就係時時刻刻都主動自發,咩都快人一步!令到佢地係短短既時間內轉變得咁大!再加上佢地勤奮好學既精神,你話點可以唔進步啊??我地香港人爭下氣啦!玩少地,讀多地書,學識高地,係呢個社會上都唔會成為被淘汰果個啊! 香港人加油!

®琴晚陪左個fd去左個記憶既講座!聽到九點幾,聽完。跟住個fd有興趣讀!跟住同左佢去問人!傾到成十點幾!又令我諗翻地野!我自己讀呢個課程既時侯,家人怕我比人騙,又呢樣,又果樣。我要講到要生要死至比我讀!最後我都成功左。做咩任何事都好,最緊要係自己有無興趣果樣野,諗下自己既目標係咩野,以後要過地咩生活,所有野都係掌握係自己既身上,又好多人都話命運唔係自己既手掌中,你地試想深一層,命運確確實實係你自己既手中,只不過自己唔識選擇! 有好多現家既青年人,都成日為左愛情,分分離離。何苦呢?現家應該係讀書既時間,你地走去拍拖,係幾咁浪費時間,金錢,有時總要成日瞞住屋企人。自己也因此搞到同屋企人關係唔好。變得好差 !你地可以讀好書,第時出黎至慢慢搵!你到時又有學歷,又有學識,駛咩怕無男朋友,女朋友啊!又可能你地會話,我地係鍾意人!呢地野無得控制嫁!再加上青春期。我答你,你地係百份百有得選擇!係睇你地識唔識諗!呢樣至係最重要!假若你地屋企人,又唔反對,家境又唔錯,又唔會因為拍拖而影響,大家又好愛對方,又唔會吵咬,好體諒對方,你地一定會話,咁拍拖一定無問題啦!試問呢個世界有幾對情侶可以咁嫁!少之極少!就算比你係果個,你以上所有都巨備你都唔應該現家去拍拖!試想想,拍拖你怎樣都好,你都一定要付出時間,唔多唔少都影響到你,你可以利用呢地時間去做更多有意義既事!或者去學地自己鍾意既興趣!你家境係好好!但唔通你成世都靠父母黎養你咩,佢地總有日離開你。最後都係要靠自己!所有野你地都有地選擇,最緊要係睇你地自己個決心幾大,動力幾大,就攞我黎講啊,我自己讀唔到書,諗到自己得個中三,無話拍拖啊,連以後條路要點走都唔知點好,但上天比左一個機會我,比我聽到一個講座,係講記憶!我知道呢個係幫我將我呢世改變和幫我以後既路點走,唯一最好既選擇!我咩都唔諗去聽完個講座,走左去讀!但我家人唔係好支持,跟住我叫埋我公公聽,佢都唔係好信,佢話呢地野作用大唔大,會唔會呢樣果樣,最大既問題係我同我爸爸既關係唔係幾好,我媽咪同佢離左婚,金錢成為我一個最重要既問題,跟住我,憑住我極大既決心,我同媽媽傾左電話,好詳細咁同佢講,佢都唔信,叫我唔好去讀,我果時真係跌左落谷底,我想到無論點都好,我都要走去讀,我同媽媽講,我現家即該走去跳樓,我去死左佢,但佢都唔信我,果時我好無助,我好想哭,我又知道我唔可以就咁死左佢,一定一定要講到去讀為止,最後幾經辛苦,我成功左,我同媽媽講掂左。我果時好好開心。真係唔知點講好!所有野都好,只有你個決心定立左,加上動力。點都好你地都可以做到既! 係呢道我講得唔咁聽既,或者現家拍緊拖,好開心既情侶,我中傷左你地,講句對唔住先!我並唔係叫你地唔拍拖,唔好誤會!所有決定,都係你地自己既身上。我講任何既話都無用。最緊要係你地,選擇係你地自己手上。 祝天下有情人總成眷屬!

今日無出到街啊!成日都係屋企!悶到我死!咁唔係同人玩msn、傾傾下無咩人，又諗到我係時間要學下打英文字!唔好成日watse左地時間去。又可以幫自己第日搵工，總之學左就無壞!跟住一邊聽歌，一邊打，聽翻地以前既歌。好好聽啊!不過係個樂隊黎嫁!叫太極!唔知大家有無聽過!打下打下，愈來愈難!打到我無咩心機，發火，想打爛個keyborad!不過無咁做到!到左咁上下，我鬼咁眼睡!去左睡!睡到六點幾起左身!又繼續，無無聊聊咁上網，傾msn，放左假咁耐，最悶既一日!

今日本來無咩既，但深夜發生左件事，個心好唔舒適啊!好難過啊!嗚嗚~~!