今日去參觀圖書館呀!!原本唔去架.....但太遲交通告

老師book哂車無得唔去

我地12:00就落左去常識室度食飯

上年係開大食會架!!但今次返全日所以都係食飯盒

不過都有鍾老師親手整既布丁呀!!有芒果同朱古力味...好味^^

中央圖書館超大呀!!!好靚添呀....仲好in呀

我地先去左果個簡介室聽果d人介紹

之後去到出面用電腦   部電腦可以搜尋圖書館入邊既野

我同江江無無聊聊就打抗日戰爭睇下有無野睇

點知個工作人員見到.....仲係度偷笑

佢地戴我地逐層簡單咁介紹下之後就係自由活動

我地江江睇左一陣間書之後就落到去精品店果度睇野

一入到去見到一d勁勁勁靚既貼紙    我地買左四張

跟住行行下竟然俾我見到....一個超超超超可愛既香港小食公仔

我好想買呀!!!!但係佢果度賣既野都唔係平

所以都無買到    唉~~可惜......

之後莫又黎左佢見到我地買左貼紙都去左買

佢揀左兩張    跟住我同江江一人買左一個好細仔既袋仔    不過我果隻大d

我地三個人夾埋買左$60野

回程既時候係旅遊巴果陣周公急call

我地一路訓蒙蒙同趙雪佢地兩個超大聲咁係度講野   嘈到痴線

正當我地開始訓著既時候    鍾老師又超大聲咁話"起身啦!!就到啦"

落左車之後係圖書館門口見到siu&pig    咁我就係五號梯果度門嗌過去二號梯果度

戴安琪超唔知醜以為我同佢講野

最後我、莫莫、pig、siu&慈一齊返屋企

搭車既時候仲有好多好搞笑既野發生左呀!!^^

好耐未試過同佢一齊搭車返屋企啦

唔知呢d日子仲有幾耐呢