小息果陣我、siu、蒙蒙、荷&姍去多用途室練歌

練練下悶悶地就係度玩捉人

追追下突然聽到開門聲

一睇.....原來係電腦室果個哥哥整野

我地即刻做返一個良好學生乖乖地練歌

由於大家都好怕羞所以走左去後邊度練

無啦啦有人打開度門好大聲咁話"嘩....搞乜呀你個頭"(佢唔知我地係度&個哥哥剪左頭髮)

佢講完呢句之後我地忍唔住好大聲咁笑左出黎

之後仲係咁講"搞乜呀你個頭"

開門果個人就係徐晶楨

跟住仲扮哂野咁有野搵我

係人都知佢覺得好瘀啦......

今日無落雨可以上體育

我地今日又玩返排球

次次d波碌左出去都係戴安琪去執

跟住siu好衰咁話人係執波妹

雖然我都有笑     跟住我就同佢講唔好咁話佢

跟住siu話"佢唔係咁你係啦"我就好大聲咁話"我唔係呀!!!"

之後佢話"咁你話啦....你係咩呀?"

情急之下我就求其講左一句"我係靚妹"

我見到siu係度偷笑 我已經知道有野

我一轉身就見到尹老師係後邊

死啦!!唔知佢聽唔聽到呢??!!!

上到班房之後佢地係咁笑我><