本來今日都幾開心架....

放學就去左睇戲....睇完要諗諗先知佢講乜lo~

睇完行左陣就番屋企學結他.....有預感今次8級又會肥....

學完就出去操拳lu.....今日我第一次帶跳步同轉腰~好開心喔^^

操左一陣就打freefight條友狗到呢....明明打拳腳唔打膝架ma.....當佢比我屈住黎打果時起膝頂我lo....

我即刻D粗口爆晒出黎.....大佬呀如果講明話比頂膝我比你頂中我抵死呀....但係而家唔比呀ma

個鼻一比佢頂中....即刻聽到"bai"左幾聲....之後就腫左小小la~

因為果膝好應....一頂落黎果下D眼水都標埋出黎.....痛到爆呀

操完就去左接人放工.....都等左一陣點知D人一落到黎見到我之後就越行越遠

原來有個同事係佢後面....咁樣姐係咩意思呀??

唉~!!今日原來無想象中咁開心=.="好蠢呀我

一朝早走左去睇牙.....睇下崩左果隻牙咩事呀ma

當個牙醫一睇就話我原來唔係崩左....係隻牙番蛀仲蛀得好犀利....搞到裡面D組織軟晒

所以一食硬野隻牙就爛la....唉~!!

睇完就番屋企玩左一陣電腦又要出門口番學la.....今日又同曦佢地一齊番^^

英文堂quiz無咩特別呀.....又係做完唔知岩唔岩果D lo.....

到左普通話堂就發生左D事la....個miss話要幾個人一組出去諗野黎讀咁我一開始咪同方中明一組係度練lo

點知到出去果時阿曦同麵包又話入埋黎....我都知奶野架la麵包係度....

因為係D好同學投票邊組最差要出去罰wow....要唱歌架好似

當然基於呢個世界得強權無公意既情況之下....我地果組早知地比人投左

之後miss話咁樣唔公平所以搵左4組佢覺得差既出去猜....點知輸埋~嘔血呀真係~.~

因為個個其實都係想做死麵包....所以麵包話佢自己一個頂我地3個咁佢就出左去唱歌la

即刻覺得自己勁衰仔....點都過唔到自己果關~跟住就話罰做掌上壓我即刻出去做la

miss同我地講話做到幾多下就做幾多下....大佬咁樣有排做wow....

then佢話做30下算la wow.....濕碎la....做完個心都安樂D~不過仲有少少內疚

普通話堂例早放....話知佢la~!!

番到屋係倒下立....食完飯練左陣結他^^咁就一日la

呢個世界真係有D仆街之中既仆街.....一知道我地果組要比人罰D冷語就出la....

其中一個我好憎架....haha~以後自己小心D la下

萬聖節快樂呀各位^^

今日都無咩特別野.....係番學放Break果陣去左同曦7明食左個麵...

佢地兩條友食得超慢搞到我遲到~我竟然遲到呀

放左學之後就走鬼左去操拳....丁係拳褲果兩隻"富德"字今日終於到手啦....好開心喔

之後就操下拳喪做體能打下freefight咁....隻右眼又瘀左~好百痴呀

今日終於有新野學....頂膝~好正呀遲D實比人頂到訓係度呀

當臨走果時阿標就話整D正野比我地歎....咁姐係唔方好野啦=.="

原來佢要我同阿豹互踢一人一腳練硬食....痛到爆呀~跌低過2次~.~

搞掂之後去左太古城接人放工....我覺得我真係好好比人打到咁都去....

而家愛上左倒立同埋夾住個沙包倒吊係到做situp

死人節快樂^^

今日繼續去馬鞍山比賽....本來唔洗比架....但係後尾又話改唔到名要我去~.~咁我就為左2分鐘既比賽搭左成2個鐘車入去....賽完就等埋一齊落灣仔食飯....食完少少飽意都無.....番到屋企無人咁我就沖左個涼玩左陣電腦佢地就番黎la....之後媽媽煮水餃比我食....始終都時媽媽好^^過多陣就睇"一公升眼淚"一路睇一路剝花生.....食食下點知有D野超硬.....原來我有隻臼齒崩左起碼無左1/4呀大佬....要快D睇牙醫lu.....