今日放左學之後，就即刻同張嘉翹、羅榮濤等人上左6樓等阿sir黎開門跳繩，不過阿sir好耐都未到。所以我地就"爬窗入屋"。我係入面換完杉之後，我同"羅生"就係度打球，其他人就跟住入黎。之後突然有D打爛野既聲，我地都冇理。再之後曾sir黎左，原來個F.1仔打爛左隻窗。我地就比人捉哂落去寫紙，真係好無孤囉!!人地打爛隻窗，我地都要賠。

之後跳完繩，就去左廣福。冇計啦!!個天落甘大雨，唔避下點得啊!!

返到屋企，又因為D小事就同老豆吵架。

今日一返到學校就要集隊啦!!當我就黎埋到去既時候，肥棋就突然間叫我過去。我過到去佢就比左隻扭蛋同一包細細包既野我，佢就話隻扭蛋係"鬼鬼"喎!!果包細細包既野係啤啤比喎!!

我就想，E個應該係萬聖節禮物。我就一路係度估果包細細包既野係咩啦!!我最後就覺得係一個史迪仔既散紙包。

當我上到課室，打開果包野黎睇。原來真係比我估中左啊!!真係好開心啊!!

真係好多謝肥棋同啤啤既一番心意。

上到最後兩堂既中文堂，Miss竟然話唔教書。就係甘，我地成堂就係度玩。

之前咪因為有好多人要去廣州，唔可以留係香港陪我過生日就好煩惱。E家總於解決左啦!!

就係:   11月8號果日學校旅行就燒野食，當提早過生日。之後11月9號就睇下有冇人陪我去"海洋公園"。

今日朝早就出左街啦!!去完大埔墟附近食完飯之後，就去左大埔墟行街。

之後就去左剪頭髮。踢住又去左買鞋，好快就返左屋企。

今日好早就起左身啦!!一路on MSN去到10:30。換左杉之後，就出左門口。一路聽歌，一路行去廣福球場。我地11:00點就集合，一路都係成team踢波人係度踢波。我係度接第一球既時候，就feel度就手好痛。冇辦法啦!!之前就身傷左都一個星期啦!!都未好返，都唔知點算。

直到12:00，我地終於開始比賽啦!!不過人地果隊之係得9個人，所以阿sir就叫我地去果隊"幫腳"。真係好好運，我之前一直好擔心既野，終於得到解決。我過左別隊只係踢前鋒同後衛。

今日返左學之後，終於可以打攬球啦!!不過打攬球之前，就要去留堂先。我就同"鍾國浩"and"劉梓浩"一齊罰抄，抄到4:30Miss就叫我地做功課或溫書。所以我就一路溫科學直到4:45。

今日打攬球超開心，我就同少量既人練習完之後同阿sir鬥波。最後一球，我就飛身去拔人地條帶。雖然係失敗，不過都得到大家既贊同。

聽日就要去足球比賽啦!!但係我隻手還未好返啊!!