今日我朝早9:00就起左身啦!!就係為左肥棋既生日。
之後我10:00就出左門口，我就行去大埔火車站等大家。我行左大約5分鐘之後，我就發現我冇帶肥棋既生日禮物，所以我就番轉頭拿。幸運既係我自己提早出門口，原本集合時間係10:45。最後我大約10:25就到左。
我到左唔夠1分鐘，啤啤就到左。之後等左幾班車之後，Fion、丁丁同吳偉雄都一個一個甘到。之後肥棋同胡廣琛就一齊黎火車站。本來呂智林都黎嫁，不過佢竟然放我地飛機。
我地去到MK之後，等左一陣，老鼠仔就都黎埋。我地就一齊行去旺中唱K。我地一路唱，唱到成3:00。之後我地就去by火車番大埔。
我地番到大埔，我地就同肥棋去買生日蛋糕。跟住我地就去by 25K小巴去肥棋屋企。
去到肥棋屋企之後，我地就打麻雀、play NDS同去啤啤房聽住歌黎唱歌。
大約玩到6:00，我地就出去起爐。在大家既幫忙之下，我地終於成功起爐。我地都開始燒野食。
我地大家燒左一陣之後，林奧添都黎左一齊燒。我地燒完之後，我地又入屋拿生日蛋糕同繼續玩。
大約10:50，大家都落樓下等小巴。大約11:00，大家都一齊上小巴返自己屋企。而我，就留低係肥棋屋企過夜。
我、肥棋、啤啤就一路玩，一路過左12:00...
E個就係起爐既竅門...
|
