今日放左學返左屋企之後，我老豆同我細妹就返左黎!!我一見倒我老豆返黎就知今晚一定冇好野。

之後我媽媽出左去參加D咩家長會，屋企就得番我、老豆、兩個細佬同阿妹。

之後我食完飯，我就去左玩Online。玩左一陣，我老豆就問我玩到幾時。我就話:好快。跟住佢又話:好快係答案黎既咩!?我就話:玩埋E局就關電腦。佢又話:如果E局玩到聽朝，你咪玩到聽朝 (奇實大約10分鐘倒就ok，不過我又唔肯定。)。我又話:奇實冇可能囉!!不過如果你得我會話你勁囉!!之後佢就"發皮四"，拔左我電腦條電線。

我知唔開心囉!!所以我就出街踢波，比自己冷靜下。

最後我由8:40踢到10:40。

今日返學果陣，我竟然比人檢查儀容服飾，好運地，我冇比人捉。

到左lunch之後既休息時間，因為冇帶地理書，所以就落左去1樓找Wing wing。

到左價值堂，又做埋哂D死人問卷。

到左地理堂，上堂上到一半，突然間有三個訓導黎左，做突擊檢查。最後，一個都搜唔倒。

放左學之後，又去左3E班play Uno、聽歌、幫手做壁報、玩紙飛機。

今日第二堂，我地就去左上PE，不過今日天氣好差，所以完定既跑林村河同踢球都冇得玩。我地就改左度高磅重同踢室內足球。

我地度高磅重完之後，就上左六樓踼波。果個室內足球真係超好笑囉!!特別係其中一球，個球竟然撞左個天花板然後入左。我地兩班都差D笑死。

之後食完lunch，我就過左去3E班房。啤啤同花花就拿枝粉筆鬥畫人地件杉，又係超好笑囉!!

到左英文堂，好無聊，所以我就連sleep兩堂。

放左學之後，我又過左3E班。聽歌、玩Uno、幫手做壁報。

今日返學都冇咩做。不過上VA果陣，要畫自畫像。我覺得我畫得唔係好似囉!!

放左學之後，我地就係學校打左一陣籃球。不過丁丁佢地要去玩雜技，所以冇黎打波。

同埋，我放左D貼紙相上去相簿，上去睇睇丫!!

我地一路玩，一路去到1:30，成屋人都...zzZZZ

到左朝早。我地又打麻雀，不過我地今次三缺一，但係我地都繼續打。

大約到左下午1:30，肥棋既表弟同表妹等人都黎左。

之後我2:30就去by小巴返屋企。

到左夜晚，我就留係屋企睇煙火。今年既煙火都幾漂亮啊!!