呢排都無乜點打日記~~無它既...太懶啦~~

今日超黑仔呀...都唔知係話我同pinky有仇定係點....今日我既黑仔事件簿係由早會開始架...一朝早就俾楊sir鬧我之前唔去朗誦......之後lunch係度圍毆....爆石刮左我一巴喎...頂佢個肺呀!!!!激死我咁淨....本人生平以來勁之唔鍾意人地刮我塊面.....friend既另計...佢咁岩中正...佢就死俾我睇啦...我咪一巴打番落佢度囉...

之後pinky馬騮太激動啦....俾佢本書整損左兩隻手....放學個陣仲唔放過我...成隻手打左落我隻眼度...唔駛咁大仇口掛~~不過都無乜野既...佢無心既...我係唔會怪佢既.....最尾個3堂勁臭呀...原來係d花泥囉....臭到嘔...就黎想死咁淨...好似屎屎屎屎屎味呀!!

放左學之後去左練朗誦...唉....俾呀sir講我既問題~~我要好好揣摩下啦......黎黎去去都係個幾個問題:快,唔夠感情...好煩呀!!!

夜晚我家姐個fd黎左我屋企同我家姐一齊做論文.....我家姐要用電腦啦...再會啦~同胞們!!