呢幾日都無打到日記添...又黎概括下啦.......

尋晚就同表哥表嫂打邊爐....見到佢地兩個真係覺得....傻既人同傻既人真係好夾.....兩個都係傻架....之後幫表哥影左好多相...要佢扮童軍....好搞野......

今日lunch爆石俾人圍毆....椰楊使出左一招凌空飛腳.......去......整返好張椅~~簡直係絕呀.... 而家爆石可以叫做係犯眾憎架啦.....成日係度串人....仲要唔夠人串....溝女姐....唔使咁過分呀....係又串唔係又串...我出去叫人最遲monday交剪報姐....又要串...咁我咪串返佢囉...嘈嘈嘈...個陣"興"到我呀...直情想一拳打落佢塊面度....唉....我都唔知點解我咁易興....可能我忍受唔到佢咁低能係度串我啦.....

之後家政堂...整燒賣....好食~跟著陪pinky去左等車...傾左好多野.......其實我有時都明白...點解我會唔捨得轉校.....係因為呢度d真正既fd.....a班唔係一班好既班.....但係我d fd好咪得囉.....

今日突然間...諗到一句說話....呢句野係咁架:在今天的.好好珍惜.不在今天的.就在明天.....其實我覺得呢句野可以用係好多地方度.....例如係人生失意個陣...後面個句好岩聽....既然今日無既...明天就會有架啦....我都唔知點解我會咁諗....可能我覺得自己既人生...而家好失意啦~

而家轉左個音樂...係哥哥既玻璃之情...好聽...不過load得慢d.....誠意推薦!!!