尋日因為太夜先返黎啦....所以而家補番篇日記先~~

尋日晏晝....無無聊聊咁...係屋企同家姐呀哥一齊睇戲....跟著琴琴同馮日康出左去先...叫我同霞霞7點半出葵芳一齊食飯睇戲.....

出左去葵芳食越南菜.....唔知點解成日俾人望著....玩姐~~我大佬係度咬著支牙籤扮蚊拮我家姐咋喎...又俾對面枱d人望著笑.....走個陣我大佬孭個袋cake著左走唔到...又俾隔離枱個女人用一種好鄙視既目光望著....當時我見到真係好想講:呀姐..有咩咁出奇呀...食飯你就食飯啦..望望望!!不過最後都無講到...廢事同呢d卑鄙小人講野啦...

食完飯之後去左買d野食...夾下糖...跟著就入左場睇戲啦~~今次睇既係.......恐怖靈訊...初初見到個戲院得咁少人套戲應該唔好睇啦....點知套戲好正.....正到媽咪返黎都唔認得我地幾兄弟姊妹.....全場係嚇死左咁淨....我捉著我2家姐隻手...我大佬就係咁要琴琴同佢講下野等佢無咁驚....套戲真係好正....好多地方都俾佢嚇一嚇....

之後我地返屋企個陣係架車度講返套戲....我大佬仲係度話:唔好講啦...咁無聊架你地...<-其實係佢自己驚姐

返到去話去7-11買酒飲....我大佬行先架嗎....點知佢"哩"係個轉角位度嚇我地...搞到我成個人彈左去後面....嚇死我咩..

我仲話我地係套戲入面個6隻惡魔....因為咁岩1家6口呀嗎....個個都係惡魔...你地要小心d啦~