尋晚無端端有個印度既人add我icq喎....我諗諗下...原來我之前係度玩野...將個icq info國籍改左係印度同南斯拉夫.....咁個人咪係我同鄉....得閒叫佢同我一齊去做得成女傭先~~

今日中文個陣...話要講咩第5聲d字喎~~我讀極都錯架....本身牛丸想幫我架....但係又唔係我自己識...咁話識都無用架啦!!咁咪話唔係我講架啦....橫掂呀sir罰都唔會罰得好犀利架啦~~或者有人會話我傻....但係...唔識就唔識架啦~~話自己識咁又點姐~~

煲東瓜個陣係度話讀急口令...我,爆石,pinky,牛丸係度猜...話猜輸個個讀先...又係我輸...成日都係我輸..咁咪讀先囉~~點知讀完之後我後面個幾條友唔讀喎....搵我笨姐!!!

lunch個陣又黎過猜程尋...今次係話猜輸個個要拿晒d飯出去....猜猜下個陣個死人蘇太走左入黎鬧我地喎....痴線架~~又話我地猜到咁嘈...人地仲食緊飯...我就唔信我地嘈幾嘈既佢地就食唔到飯囉....係既我打都打到佢食到啦...<-呢句講笑架姐~~鬧人都鬧到令人服你呀....9唔搭8.....最後...又係我輸呀.... 之後屈左爆石一人一半dum左d飯盒.....

lunch個陣去左圖書館....見到椰子樹,關2哥,雞仔同鴨仔混合體....係度搵緊音樂家d資料....我係度俾左齊白石俾椰楊話岩佢地用...椰楊仲問我咩黎架喎....唉...畫蝦好叻個個呢~~我仲係咁用隻手扮蛇啄關2哥.....佢唔好用把關刀斬我就得架啦~~

跟著英文堂....個大眼又黎發癲啦...有d頂佢唔順... 好彩禮拜一有朗誦....可能走到佢兩堂....哈哈...good take!!

電腦堂個陣悶到我傻傻地......做project喎....我返屋企做好過.....搞到成堂係度係咁嘈嘈嘈...但又唔知嘈乜鬼~個呀sir又俾我地早放喎~~so good!!!呢個呀sir就係好在易恰啦~~哈哈~~

之後同左pinky行左一大輪之後.....就諗著陪佢去等車啦...點知途中見到霞霞...佢叫我幫佢班本家政書...咁就去左pinky屋企啦...但係上左車之後...先諗番起...原來番學校仲近...不過算啦~~

佢屋企都ok呀...但係佢成日講到好恐怖咁.....都唔係姐...拿左書之後佢同我去車站...上到車之後我傻更更咁唔知做乜鬼...聽到個司機係度話唔知乜乜地鐵站...跟著我又唔知做乜鬼係度問佢野喎...仲問埋晒d超白痴既野....搞到成車人係度望著我....low爆呀!!有d人仲係度陰陰嘴笑呀.....點解會咁架.......