今日終於都返左香港啦....好似過左好多日咁...唔知係唔係因為一日食3餐呢←時間上既問題....因為唔食早餐~夜晚食多餐...痴左線~~

返左大陸好好玩呀....張梳化好舒服呀....軟綿綿咁...搞到日日都係個度坐同訓...訓係d角角位度仲好似大爺咁...唔願郁...蛇仔明見到我地咁就日日撩我地出街..話我地唔好咁頹廢喎...但係次次我地都話唔制~~

有日夜晚我地成家同埋一個老豆既fd過祈福搵9叔....有人話祈福就好似係"潘""如"既一個小國咁...不斷擴大同埋要晒個度d地...去到先覺得...呢個係真架...比起3年前...大左有一倍咁淨...痴線架~~

係祈福有好多野食架...又有cafe好味蛋糕食...又有bbq..哇..d生蠔好香同好正呀~~走之前諗住買隻雞翼上車食架..但係seven哥又唔俾人買....因為佢要揸車無手食...咁就無左啦.....我心愛既bbq呀~~

今日晨咁早就俾蛇仔明呃左起身....其實我都知佢係呃我架啦...世界上係有電視呢樣野架嗎~~傻仔...節目表我熟晒啦~~2點出到碼頭飲野...跟住就上船啦....今次係同霞霞and8叔走架....8叔成日係度撩人食野...

好....都無乜野講啦~~因為已經唔記得左之前係大陸有d咩野...哈哈~~淨係記得整喊左好多bb~~好賤格呀~~哈哈~~老豆話新年想去旅行...我就想去湖南睇雪...又近...又可以揸車去~~霞霞就想去曼谷...因為levi's...但係都無野玩.....去湖南就有雪睇...又有馬王堆...去睇女屍~~yeah..影多d相返黎嚇死pinky馬騮....不過去唔去到都未知...好多時都有變數....