又係哈哈.....尋日無打到日記~因為掛著睇電視...睇harry potter..雖然睇過好多次..但係都好好睇~~

尋晚打邊爐...我喊左...因為哥哥落d辣椒醬落得太多....辣到嘔奶咁淨...痴線架~

一路打邊爐..哥哥就重提細個俾馮琴昆既經歷...話細個除左俾琴姐昆左飲廁所水之外,仲俾佢用多種洗頭水溝埋黎同洗頭...哈哈~~估唔到由細到大都係咁...悲哀~~其實我諗返起我d瘀野都好多...例如有一次pinky話俾我知有個姣婆做d野出竹好乞人憎...我返到屋企就企係張梳化度扮俾我2家姐睇...點知成個人跌左落去....仆親...

今日考完試啦....本身都幾happy架~~但係英文說話個陣就好嬲...一入到去就俾個死人大眼葉鬧...話我遲到喎...我明明準時架!!痴孖根..一路等個陣我就一路堀著佢..

跟著成班友仔就去左婷姐屋企...佢大佬好似"奴隸獸"咁...又要煮麵俾我地食..又要洗碗...有d可憐...我地走之前仲係度玩野~~哈哈...越黎越覺得我地好衰~~

出左去就去左影貼紙相....影得唔靚呀...不過算啦~都無一刻係靚過~~哈哈~~

我地行左好耐呀....行到隻腳都攰晒...走之前去左優之良品買野食...好食!!yeah~

今日係琴姐既生日呀....康哥買左隻錶俾佢...真係好...哥哥無送生日禮物俾我架....岩岩仲有個佢既fd俾佢個蛋糕黎我屋企...好想食左佢~

ps.之前睇電視...播番d舊歌...其中一首歌既作詞/曲←唔記得左..個名係陳忠義呀..哈哈~佢幾時識咁多野架~不過睇黎都唔係佢黎架啦~