今日係真係要返學啦....我無返錯啦~

今日返到去...無乜野做...好眼訓...尋晚訓唔到..因為之前太夜訓啦..搞到都唔慣咁"早"訓...所以就訓唔著..而且我仲成日醒..唔知點解..我發左好多夢呀..但係有d怪.....

返到去..又派卷啦...唉...睇黎....我都係死定了~~好多科都低分過pinky大爺呀....唉~~可能我太高估自己既能力啦...我根本就唔係一個可以靠"小"聰明就可以搞掂考試~~但係..知得會唔會遲左d呢??

pe堂個陣考跨欄...我竟然用左9秒幾去跨3個欄..可能係我係空中佛留太耐掛...唔知點解跨個陣好似停左係空中好耐先落地...搞到我成日落左地之後都呆左呆....我d姿勢好核突呀....好彩d男仔唔係度..唔係俾人見到我會自卑架~~

lunch個陣同人落左去買野飲...唔知點解飲到我咁黑仔...整到周圍都係...好樣衰.....

週會個陣好無聊呀~~個校長都呃人既...又話10分鐘...半個鐘都有啦~~pinky仲挨左落呀冰度...搞到楊sir以為佢訓左..哈哈~~傻仔~~

放左學同pinky詩爺去食野...本身諗住去麥當當..點知去到...好...多....人....都唔知今日麥當當係唔係派野食..咁多人既~~跟著我地就去左食麵....好飽呀~~返到屋企媽咪仲要我食埋d腸粉...只因為今日我唔夠時間食早餐...跟著蛇仔明係度話我...咁我咪話:唉~我放學返黎食啦~~其實我自己都有d想食架...岩岩新鮮熱辣整起..好好食咁樣~但係返到屋企就另一回事....因為岩岩食得太飽..食埋d腸粉就簡直想...死....

跟著沖涼幫助消化....其實咁係唔好架~~不過唔知點解我食得太飽我就會想去沖涼..好怪雞~

今日我地既巴辣雞行動開始~~哈哈~~相信好多人都唔知係咩..但又可能好多人都知~~嘻嘻~~同胞們..加油努力!!!