估唔到我一世英明...最後竟然輸番俾我自己....

今日...以為自己要返學..鬼死咁早就起左身沖涼著衫....之後出門口...返去個陣都奇架啦..點解無同胞架呢??唔通我遲到??返到去...係附近見到呀冰....佢話俾我知..原來今日係唔晒返學架....哇~~當堂晴天霹靂..行埋雷閃埋電呀~~跟著我地諗著打俾pinky大爺呃佢要返學出黎....點知咁都俾佢識穿左..佢仲話尋日見到我打日記都知我傻仔左..諗住打俾我話俾我知~~點知佢竟然訓左.....唉...pinky大爺掛住訓覺啦~~其他人都唔打俾我黎提啦...哭心呢...悲心呢..可憐下我呢個傻仔呢......

返到屋企換番d衫...想訓多陣...但係最衰岩岩沖左個涼...鬼死咁精神~掙扎左好耐先訓到~~訓之前..琴姐問我借錢...唔係話我孤唔孤寒..我本身都想話借俾佢..但係諗諗下..都係唔借....除左因為佢本身既借錢信譽破產之外...仲因為佢自己既"理想"問題~佢之後又話去北京考試啦...咁個陣..無人會借到錢俾佢架啦...生活費就肯定咁多就咁多...佢自己又無d理財觀念...佢仲話想自己一個"咩"住個背"朗"周圍去旅行...呢個只係理想...現實就實現唔到...以佢呢種腦...完全唔得...

之後都好無聊....唉...咁早起身做咩呀~~悶悶悶悶到爆炸~~誰來救我呀??