今日起身個陣曾經有個念頭...不如唔返學係屋企訓啦...橫掂都無野做架啦...點知蛇仔明話唔俾呀...咁我就死下死下咁起身返學...凍到個鼻好痛..成日想打乞痴都打唔出..."sxit"~~

返到學校都係好凍...音樂堂要考唱歌喎...唱到好好好好細聲...唔夠膽呀~~我一路都覺得自己唱歌好差..所以唔會唱得大聲既....

關蛇同麥太都無返...分別係miss tsang同wakeland黎代堂...唉~~突然覺得miss tsang好好~~佢而家都好關心我地咁...又話你地班d女仔點解好似咁唔開心咁~~唉...miss曾知左d答案之後唔知會點呢...但係可能我地都唔知~

鬼佬堂超無聊呀~~係見到佢d表情先笑死..."屎"~~

lunch個蘇太又黎煩...無聊得佢呀...d外評人員黎就係度做戲...世人就是這麼虛偽~~之後又出現一輪小戰役...隻雞真係無聊...搶我枝塗改液搶到佢自己係晒...哈哈~~都唔知佢點整架...傻仔~~

跟著個3堂就係度放肆啦~~個個係度周圍走..我呢d算係乖既人黎架~~d呀sir好似好無奈咁...

放左學我返左屋企...pinky同詩爺出左荃灣...我就無乜興趣啦~~天氣凍..做咩都唔得咁.....

聽日就係聖誕聯歡會啦~~等...寂寞到夜深~~聯歡會之後我就要即刻返屋企執野...之後等霞霞返埋黎就即走...返大陸呀~~好開心...又有大把野食...會肥架啦...不過我不嬲都係架啦~~

岩岩老豆打電話返黎...話佢自己係seven哥...又叫我叫佢做seven哥...我終於都知道點解我屋企無代溝呢樣野啦...有老豆係度...好難有代溝..成家都傻既~~黎親我地屋企住幾日既都會變傻...有好多好例子...不過你地都唔識架啦~~