今日鍾斯病左無返工, 聽佢把聲好嚴重好辛苦o甘, 原本想放工去佢屋企睇下佢點, 但佢又屎都話要出黎同我食飯 。

於是乎就約左係cwb等, 去到cwb就好想食峰壽司, 但諗起要等....

最後我都係好想好想食 , 要知道鍾斯係一個相當無耐性等位食飯既人, 於是我同佢去買左隻熱狗食左先, 打打底 , 希望係大家唔係好肚餓既情況下會唔覺等得太耐~

去到攞位, 叫到51, 我地係119, 時間係7:20pm, 鍾斯話等到8點, 於是我地就去附近行下先, 行到接近8點返去等...等...等...到左8點, 叫到89, 我用 既眼神話不如等到8點半啦 , ok, 8點半, 去到114, 哈哈哈, 無理由等左個幾鍾仲有幾張唔等架ma, 策略成功  , 8:40, 終於入座。

食飽飽後數一數, 一共18碟, 諗起多多同熊熊係一壽司39碟既紀錄, 於是我問鐘斯夠唔夠, 其實我地都覺得係岩岩好, 唔會太飽, 如果再食應該都只係可以食多5-6碟, 好難想像兩個女仔係點食到39碟

於是我同鍾斯決定下星期再去一壽司, 挑戰多熊既紀錄.....1/2啦, 廿碟我地係絕無問題既~