一早起身, 見到天氣晴朗 , 好開心呀, 約左好耐既bbq終於成行啦

約左邦邦, 小玉, 心心, angel, 方氏伉儷, 鍾斯同我一行八人, 一點係西貢街市一齊買野去北潭涌bbq

今次我地bbq主要係燒海鮮, 由西貢地膽心爸帶我地去買海蝦, 大大隻既扇貝,巨型既, 好肥既白鱔....再去買d扒呀腸呀丸呀同埋其他野, 買齊野已經攪到3點幾, 即刻上車出發。

一去到大家起爐呀包野食呀燒呀燒呀.....個個都身水身汗, 但好開心, 哈哈

一直到八點, 真係完全睇唔到野啦, 個個都已經好飽飽, 終於都捨得執野走。

但入到西貢, 又點都要去滿記食返碗糖水至夠完滿o甘, 於是, 一行八人兩架車又到左滿記, 但無晒位泊車, 大家諗好快食完就走....

點知....食完攞車見到兩架白炸圍住我地架車.....哩餐糖水好貴呀