識我既朋友都知我係個好為食既人, 雖然我既口頭禪係: 好肥呀!好想瘦呀!

我係o個d一愛上一樣野食就要瘋狂o甘食既人, 有一年愛上食芒果, 日日食3-4個, 食到成身都出滿晒疹, 好痕又醜。

有一年瘋狂食荔枝, 一日可以食一籮, 食到成個背脊都出粒粒...

有一段時間愛上食雪糕, 每一日都要食, 一盒家庭裝一日就食完...

一但想食一樣野, 我係一定要食到為止, 曾經愛上豹仔芝士條, 每次都要去又一城買, 買完就會心滿意足o甘捧返屋企...

愛上爆炸綿花糖, 一買就十包, 唔夠玩一晚就無晒....

然後有一日, 就會覺得唔再想食, 就算有都係食下就算...什至食厭左, 從此惦都唔想惦。

最近愛上美心新出既一隻糙米芝士包, 每日都要食過至安樂。

仲有哩個月黎, 幾乎每星期都食四至五次榴槤, 食到喉嚨都痛就食金嗓子....唔知幾時我又會覺得厭呢。