唔知係咪尋晚訓覺既姿勢唔好, 今日一起身就覺得條頸好痛, 兩邊擰同低頭都好有困難....

頂唔順試下搽安美露, 好似都無咩效果

下午約左鍾斯睇達文西, 兩隻野好似睇周星馳o甘買一大堆野食入去

入到去好鬼死凍, 好彩以家戲院有毛毯借, 對於怕凍既我, 借毯就變成每次睇戲既指定動作。 但好似好多人

都唔知戲院有哩項服務, 坐我地格離一對年青情侶, 兩個凍到攬埋一舊, 個背心少女不斷話好凍, 開場無幾耐,

我正考慮話佢地知有得借毯會唔會太唐突時, 佢地特然起身....走左, 唔知係咪因為太凍呢