由尋日開始就覺得鍾斯有d古怪...

今日係我既生日, 但佢要返學, 我亦唔想因為o甘要佢逃學, 於是決定等佢放學後一齊食飯, 簡簡單單就好。

點知佢一早無啦啦打比我話今晚可能要夜d, 其實我個心, 已經有少少唔開心。

最後約左佢六點半, 我去到銅鑼灣等佢, 點知一黎到佢又話好飽, 不如夜d先食....

跟住我地行左一陣, 我話不如去羅位先, 橫惦都係要等....去到, 佢特然話3位, 我當然追問仲有邊個會黎啦, 其實我地既朋友黎黎去去o個幾個, 我第一個當然係以為靚太, 佢亦話係, 但我再諗又覺得鍾斯神情有d估怪, 於是話要打比靚太啦, 佢唔比我打, 終於知道唔係....繼續追問....傑仔??肥pat??....心入面特然閃過瑪路迪???????但佢話點會係瑪路迪呀, 佢都講左唔會返黎啦...我亦都諗, 係wor...

最後佢話係佢以前係英國識既朋友, 想介紹我識....我既心情, 趺到落谷底

我當然想識佢既朋友啦, 但唔係今日。但既然佢都約左人, o個位朋友佢地o甘耐無見, 不如轉個坐得耐d既地方啦....最後決定去shooters

佢o個位朋友要等多個幾鐘先到, 我都無晒心機, 於是就去飲杯野坐下算啦....

我面上面一直都寫住無奈, 佢仲要不斷問我做咩唔開心....令我更加唔開心, 好想問佢:你真係唔明點解我會覺得唔開心呀?????

等到八點, 佢朋友差唔多到, 我地去羅位先....沿途佢不斷打比佢o個位朋友, 我見佢少有地雀躍既神情, 真係更加無奈...

去到坐低既時候, 我簡左面向門口既位置, 佢似乎想我坐背向門口...

平日我地食飯, 佢多數會坐我側邊, 但佢今次竟然想坐我對面, 留空我格離既位, 我呆左o甘望住佢, 佢立即坐返我側邊...

坐低之後我默默睇menu, 佢係我則邊不斷向門口張望, 打電話....完全難掩佢既興奮...

哩個時候瑪路迪打電話比我同我講happy b-day, 仲問我鍾斯點同我慶祝, 我望住身邊既鍾斯, 真係唔知可以講咩....

佢話正係朋友屋企玩緊, 借用朋友既電話打比我, 忽忽收線後, 我覺得好落寞...

但忽然我覺得好古怪, 鍾斯好古怪, 瑪路迪既電話都好古怪, 我再睇佢既來電顯示, 係「號碼被隱藏」, 即係133???再諗如果係long d, 就算show唔到no, 都好似係「無法識別」....特然, 我覺得瑪路迪真係返左黎....已經同我好近...

我想試下羅鐘斯既電話打, 希望聽到既會係瑪路迪把聲....但行動失敗, 比鍾斯搶返個電話...

我再用威迫, 利誘, 爆力, 都係不得要領....

係哩個時候, 我見到瑪路迪真係係門口....

雖然已經幻想過好多次再見時既情境.....但當真係發生時完來都係會不識反應, 真係只會識坐係到喊...嚇得格離枱既人都不斷望住我....