完本難得瑪路迪返黎, 我真係好想日日夜夜痴纏佢, 但佢搭左9個幾鍾飛機, 反黎都未好好訓過, 仲未見屋企人, 今日就比佢抖下啦, 呵呵 

好想一齊去旅行呀, 但得3個星期, 又唔可以叫佢唔部屋企人走左去玩。

但個心都係不斷諗有咩地方要去...幾時可以放假...放幾多日好呢...要約kc佢地出黎...要見見wing...要去海洋公園...

哎呀....哩3個星期我都會好忙呀, 鍾斯你乖乖地我唔得閒湊你啦....

今日就襯得閒陪鍾斯去游水, 約左係apm行下先, 跟住又係想食壽司, 都係去左禾花亭。

然後去到泳池, 好多人呀, 落到水, 點解係熱水架???游溫泉水乎??

跟本就多人都游唔到, 可憐既鍾斯就o甘陪我浸左成個鍾...

最後我都覺得好無引, 唯有併死陪佢去大池啦, 希望無o甘多人等佢游幾個塘...

一落水, 滾水呀!!!!

我自己係池邊跳下跳下<<<<無辨法啦, 我係小矮人ma

佢游左兩個唐反黎已經熱到頭頂出煙o甘....都係快快走人啦。