原本上星期既海洋公園行因天雨關係, 順延至今日, 尋晚都仲擔心緊會唔會, 但kc同迪都話:風雨不改!

今朝一早起身, 天陰陰, 好彩無雨....

一開始我地就主攻機動遊戲, 玩左滑浪飛船, 越磺飛車, 迪同kc玩埋海盜船(我由始至終都覺得海盜船係至激既機動遊戲)....完本今次係好想試跳樓機...但最後都放棄左....

今次第一次玩越礦飛車, 上次黎既時候鐘斯好想玩, 但杰仔唔敢玩, 我就乘機唔玩啦...但其實最驚既只係等既過程, 排隊既時候, 每見人地玩一次, 我都機乎係跟住尖叫一次, 不斷想退縮....但上左車開始左就無野啦, 唔係想像中o甘驚....反而kc話好驚...驚我會暴斃wor...

玩完越礦飛車, 有d衝動想玩埋跳樓機, 一直係到準備自己既情緒.....點知迪玩完海盜船之後就無晒再玩跳樓機既勇氣....

跟住諗住去玩下摩天輪回下氣啦, 點知上到去無啦啦我覺得好驚, 驚到想喊o甘濟(以前玩過好多次係完全無野架~真係架~)轉完一個圈以為有救可以落返黎既時候又再上返去, o個刻真係講晒粗口, 我真係好那驚呀!!!!!結果係轉足3個圈, 簡直係筋疲力盡....

玩完機動遊戲已經好支力好熱又好眼訓, 就去在太平洋海岸, 見證左海豹先生, 海豹小姐, 同第三者可歌可泣驚天動地但天理不容既愛情故事(旁白:傻豹, kc), 沙魚館, 水母館, 海洋館...

然後開始覺得自己對腳會斷, 好眼訓好眼訓....就去左坐纜車....再睇埋安安佳佳館, 金魚館, 假恐龍館.....

今次除左睇左好多海洋生物之外, 仲見到好多性感美女, 最特別既就係著比性感睡衣仲要性感&薄既吊帶小背心超迷你裙玩濕身飛船同越鄺飛車既祖國佳麗, 同埋背後睇完全係羅君佐扮沈肥肥再表現埋當眾露胸墊韓國美女。

跟住再同kc去左壽司亭食埋晚飯, 一坐低兩個人十幾分鐘就食左十幾碟, 跟住傾左好多......kc, 你要加油呀!