星期日, 無所事事, 同鍾斯係屋企整鹽焗雞亦, 都幾好味, 但我都係鍾意蜜糖雞亦多D....

三戰tiramisu, 開始有ｄ悶啦.....要諗下下次整咩好呢...

跟住兩隻野悶悶地又想出街食就出左cwb行, 諗住去食壽司, 點知5點幾路過峰已經見到排緊隊....好癲o者....諗諗下星期日過ifc間千兩可能無o甘多人, 講左o甘耐隻豹都未試過, 就搭丁丁過去睇下, 6點半過到去, 都要等十幾張呀, 間野好細, 等左半個鐘....見到幾多日本人食wor, 鍾斯之前食過, 話d野真係幾得

我覺得野食係得架, 金槍魚腩, 吞拿魚, 海膽都好新鮮, 但係選擇好少lor, 對我地d大食精黎講, 食食下都幾悶, 黎黎去去都係o個d, 地點對我黎講又唔多就腳, 應該都唔會成日黎幫襯lu。